«Дьөһөгөй — сир эдэр хаһаайыттара» бырайыак Дойду Президенин пуондатын Гранын чэрчитинэн Бөтүҥ орто оскуолатыттан улуустааҕы О.П. Иванова-Сидоркевич аатынан Амматааҕы айар сайдыы киинэ көҕүлээһининэн «Дьөһөгөй» кулуупка орто бөлөх кылаас үөрэнээччилэрэ 15 уол суруйтаран алтынньы 16 күнүгэр сылгы мэччирэҥин Хочо сиригэр баран билсэн, буорун, уутун чинчийэр сыаллаах матырыйаал быһыытынан ыллыбыт.
Алтынньы 23 күнүгэр уолаттар «Таҥха» Самсоновтар бааһынай хаһаайыстыбаларын сылгы базатыгар «Хааччах» диэн Бөтүҥтэн 4 км тэйиччи сиргэ тахсан, сылгы кыстыыр отун састаабын үөрэтэн көрөр сыаллаах иккис экспедицияҕа тахсан киирдибит. Экспедиция түмүгэр от, уу, буор аналиһыгар чинчийэр үлэҕэ проба ыллыбыт.
Идэһэ кэмигэр биэттэн убаһаны хайдах арааран ылыы, сэлэлээһин туһунан, сылгы күрүөтүн-хаһаатын, станок туһунан бэрт элбэх саҥаны билэн-көрөн киирдибит. Олус туһалаах бырайыак кыттыылаахтара сибиэһэй салгынынан сайа тыынан, астынан, салгыы инники үлэлиир былааммытын аттаран кэллибит.
Максим Неустроев, Айдын Иванов,
«Платформа» медиа-киин, VIII кылаас үөрэнээччилэрэ.
keskil14.ru