Г.В. Егоров аатынан Мүрү 1 №-дээх орто оскуолатын 1996 с. выпускниктара — СӨ физическэй култуураҕа уонна спортка туйгуна, Ньурба улууһун оҕо спортивнай оскуолатын тустууга үрдүк категориялаах тренерэ Сергей Румянцев уонна СӨ култууратын туйгуна, «Саха» НКИХ редактора, суруналыыс, предприниматель Александр Лебедев Мүрү 1 N-дээх орто оскуолатын VI «Б» кылааһын үөрэнээччитэ Юлия Соловьёваҕа «Кэскил» хаһыаты, «Бэлэм буол» сурунаалы аҕыс ыйга суруйтаран бэлэхтээтилэр.
Ону таһынан СӨ бэчээтин туйгуна, Н.Е. Мординов аатынан «Кэскил» оҕо бэчээтин кыһатын коммуникацияны хааччыйар салаатын редактора Жанна Леонтьева Мүрү 1№-дээх орто оскуолатын VI «Б» кылааһын үөрэнээччитэ Айгуль Дмитриеваҕа, кини дьиэ кэргэнигэр «Кэскил» хаһыаты, «Чуораанчык» сурунаалы аҕыс ыйга суруйтарда.
Оҕолор, төрөппүттэр үөрүүлэрэ үгүс. Выпускниктарбытыгар сурутууну бэлэхтээбиттэрин иһин махтаналлар, үлэлэригэр өссө да үрдүктэн үрдүк ситиһиилэри, дьиэ кэргэттэригэр дьолу-соргуну баҕараллар. Бу үтүө дьыала салгыы салҕана турарыгар, кэлэр кэнчээри ыччакка бэйэҕит үлэҕитинэн-хамнаскытынан үтүө холобур буоларгытыттан үөрэбит!
Диана Дмитриевна ГАВРИЛЬЕВА, Г.В. Егоров аатынан
Мүрү 1 №-дээх орто оскуолатын педагог-бибилэтиэкэрэ,
Уус Алдан.