Т.н.д. А.Е. Слепцов аатынан Абый орто оскуолатын үөрэнээччилэригэр саҥа үөрэх нэдиэлэтэ буоларын курдук Россия, Саха былаахтарын таһаарыытыттан, гимн истээһинтэн саҕаланна. Салгыы «Уроки мужества» кылаас чаастара ыытылынна. Учууталларбыт сэрии алдьархайын, сэрии наҕараадаларын, герой-саллааттар хорсун быьыыларын тустарынан кэпсээтилэр.
Бүгүн, алтынньы 17 күнүгэр, бүттүүн Россия үрдүнэн «Письмо солдату» акция саҕаланна. Хас биирдии кылаас бу акцияҕа кыттан, билигин Украинаҕа буола турар анал байыаннай операцияҕа сылдьар саллааттарга сурук суруйдубут, сонуммутун, баҕа санаабытын эттибит. Суруктарбытын үс муннуктуу тутан анал аадырыска тиэрдиэхпит. Биһиги суруктарбыт дойдуну көмүскүү сылдьар дьоммутугар күүс-көмө буолуохтара, бөҕө санааны үөскэтиэхтэрэ диэн эрэнэбит.
Биһиги нэһилиэкпититтэн дойдуларын көмүскүү барбыт убайдарбыт, аймахтарбыт туһунан эмиэ билэ-көрө, истэ олоробут. Кинилэринэн киэн туттабыт. Уолаттарбыт кыайан-хотон этэҥҥэ эргиллэн кэллиннэр.
Баар буоллун ЭЙЭ!
Элеонора ЯДРИХИНСКАЯ,
Абый орто оскуолатын 11 кылаас үөрэнээччитэ,
“Точка Роста” киин корреспондена.