Кулун тутар 1 күнүгэр Суотту орто оскуолатытыгар олус долгутуулаах көрсүһүү буолла. Ол курдук анал байыаннай дьайыы кыттыылааҕа, Российскай Федерация Дьоруойун үрдүк аатын ылбыт Ньурба улууһуттан төрүттээх, биһиги нэһилиэк күтүөтэ Григорьев Андрей Николаевич-Тута кэргэнинээн Октябрина Дмитриевналыын, ийэтинээн Васильева Ольга Егоровналыын биэс оҕолорун илдьэ кэлэн ыалдьыттаатылар. Кинилэр оскуолабытыгар «Уус-Алдан Геройдар дойдулара» стендэ аһыллыытыгар кыттыыны ыллылар.
Ити кэннэ 5-11 кылаастарга Геройу кытта дьоһуннаах кэпсэтии буолла. Хас да ыйытыыларга аһаҕастык эппиэттээтэ уонна саха тылын умнумаҥ, төрөөбүт дойдугут сайдарын туһугар кыһаллыҥ диэн оҕолорго сүбэлээтэ. Андрей Николаевич курдук күүстээх санаалаах, олоххо тардыһыылаах саха Дьоруойун кытта көрсөн, кэпсэтэн олус долгуйдубут. Кини хорсун быһыыта биһиэхэ сырдык холобур буолар, дойдуга бэриниилээх буолууга үөрэтэр, угуйар. Онтон ийэтэ Ольга Егоровна оҕолорго туһаайан саха төрүт үгэстэрин умнумаҥ, үлэлээҥ-хамнааҥ диэбитин истэ олорооччулар ылынныбыт.
Оскуолабытыгар 2025 сыл Россияҕа Аҕа Дойдуну көмүскээччи, Республикаҕа Ийэ Дойдуну
көмүскээччи сылларын арыйар тэрээһиммит умнуллубат түгэннэрдээх, үрдүк таһымҥа буолан
ааста.
Дайаана Горохова, Суотту орто оскуолатын 9 кылааһын үөрэнээччитэ.
keskil14.ru