Дмитрий Кононович Сивцев-Суорун Омоллоон балаҕан ыйын 14 күнүгэр төрөөбүтэ 115 сыла туолла. Үбүлүөйдээх тэрээһиҥҥэ П.А.Ойуунускай аатынан Академическай Саха тыйаатырын уонна Д.К. Сивцев-Суорун Омоллоон аатынан опера уонна балет артыыстара Суоттутааҕы «Доҕордоһуу» мусуойугар тахса сырыттылар.
Артыыстар бииртэн биир тэттик оруолларынан театральнай квест оонньоон көрдөрдүлэр. Туруорааччы режиссер — Роман Дорофеев.
Суорун Омоллоону Саха тыйаатырын эдэр кэскиллээх артыыһа Игорь Говоров оонньоон көрдөрдө. Кини мусуой экспонатыгар турбут суруйааччы бэйэтин таҥаһын кэтэн холонон көрдө.
Сиһилии Виктор Ли Фу хаартыскаларыгар көрүҥ. Уобараһы биэрии төһө табыллыбытый?
