Арыылаах орто оскуолатын «Үктэл» оҕо түмсүүтэ алын кылаас оҕолоругар суол быраабылаларын уонна бэлиэлэрин билиһиннэрии кылаас чааһын ыыттыбыт.
Оҕолорбутугар суол бэлиэлэрин оскуолабыт актыбыыс үөрэнээччилэрэ Денис Аммосов, Семен Неустроев уонна Егор Ефимов үөрэнээччилэрэ билиһиннэрдилэр. Онтон суол быраабылаларын биһиги салайааччыбыт, история уонна ОБЖ учуутала Николай Николаевич Потапов билиһиннэрдэ. Кылаас чааспыт икки сүһүөҕүнэн барда. Бастакынан үөрэтии чааһа буолла. Онтон иккиһинэн, бөһүөлэкпит иһигэр баар чугас суол бэлиэлэрин көрдүбүт, билиһиннэрдибит.
Оҕолор бэйэлэрин билиилэрин көрдөрдүлэр. Сүрүннээн 4 уонна 5 кылаас үөрэнээччилэрэ ордук элбэх ыйыттыкка сөптөөх эппиэти биэрэннэр сөхтөрдүлэр. Барыларын да хайҕаатым, суол быраабылаларын билэллэриттэн олуһун диэн үөрдүбүт. Сааскы күннэрбит үүнэн, таһырдьа халтараан буолан, ириэрэн киһиэхэ сэрэхтээх соҕус буолла, онон бары сэрэхтээх буолуҥ!
Илларион Старостин,
X кылаас,
Арыылаах орто оскуолата, Дьааҥы