Сунтаар улууһугар Ааҕыы сыла биллэриллибитинэн, Ааҕыы эстафетата Сунтаар гимназиятыгар тиийэн кэллэ. Киирии тылынан линейканы музыка учуутала Алена Алексеевна Сергеева арыйда.
Люция Семеновна Евсеева тойук туойда. Чороону Сунтаар технологическай колледж үөрэҕи иитиигэ солбуйааччы Александра Семеновна Павлова, үөрэх сэкирэтээрэ Альбина Андреевна Михайлова, библиотекарь Анастасия Петровна Пахомова, педагог-организатор Зоя Михайловна Иванова аҕаллылар.
Александра Семеновна бу эстафета ис хоhоонун билиhиннэрдэ уонна чороон туhунан кэпсээтэ. Онтон «Ааҕыы Чороонун» Сунтаар гимназиятын дириэктэригэр Евсеева Любовь Егоровнаҕа туттарда. Онтон үрдүкү кылаас оҕолоро хоһоон аахтылар.
Сунтаар бастакы нүөмэрдээх орто оскуолатын медиакиинэ.