Сунтаардааҕы А.П. Павлов аатынан 1 №-дээх орто оскуолатыгар Арассыыйаҕа Норуоттар сомоҕолоһууларын, Саха сиригэр Култуура, Сунтаар улууһугар Сайдыы уонна номох сылларын үөрүүлээх арыллыыта буолан ааста.
Бары кылаастар Арассыыйаҕа олорор омуктар таҥастарын кэттилэр. Тэрээһин бастаан Арассыыйа, Саха сирин уонна Сунтаар улууһун Өрөгөй ырыатынан саҕаланна. Онтон дойдубут Бэрэсидьиэнэ Владимир Владимирович Путин, Саха сирин Ил Дархана Айсен Сергеевич Николаев видео эҕэрдэлэрин иһиттибит. Оскуолабыт дириэктэрэ Айаал Валерьевич Тотонов эҕэрдэ тыл эттэ уонна ааспыт сылга Аҕа дойду көмүскээччилэрин сылыгар элбэх тэрээһиннэргэ кыттыбыт оҕолорго грамота туттартаата.
Тэрээһин быыһыгар хоһоон аахтылар, “Түһүлгэ” үҥкүү ансаабыла үҥкүүлээтэ, “Вперед, Россия” ырыаны ыллаатылар. Быйыл Сунтаар улууһа төрүттэммитэ 225 сылынан, улуус аҕа баһылыга Анатолий Васильевич Григорьев 2026 сылы Сайдыы уонна номох сылынан биллэрбитэ. Оскуолабыт выпускнига Бүлүүтээҕи профессиональнай-педагогическай колледж устудьуона Дайаана Саввинова туруоруутугар Сунтаар улууһун туһунан дьүһүйүү көрдүлэр.
Түмүктүүр тэрээһин доҕордоһуу оһуохайынан түмүктэннэ.
Анисия Семенова,
11-а кылаас, «Дьулуур» медиа-киин, Сунтаар 1-кы нүөмэрдээх орто оскуолата.
keskil14.ru