А.П. Павлов аатынан Сунтаар бастакы нүөмэрдээх орто оскуолатын «Күн бэлэҕэ» диэн атыы-эргиэн дьаарбаҥката олус сэргэхтик буолан ааста. Кылаас оҕолоро, төрэппүттэрэ бары да сүрдээҕин бэлэмнэммиттэрэ тута көстөр. Араас минньигэс ас арааһын астаан, соҕотуопкалары, кэнсиэрбэлэммит аһы аҕалан, оҕуруот астара атыыланнылар.
Ол курдук алын кылаастар 1-4 кылаастар «Авангард көстүүмнэр», 5-6 кылаастар музыкальнай нүөмэр, 7-8 кылаастар фотозона, 9-11 кылаастар «Күһүҥҥү букет» уонна биирдиилээн күрэх «Дьикти оҕуруот аһа», «Лучший пиар-продавец» анал ааттарынан күрэххэ кыттыннылар.
«Авангард көстүүмнэргэ» бастакы миэстэ — 1 кылаас (Иванова Р.М.), иккис миэстэ — 3 кылаас (кыл. салайаачыта Яковлева С.Ю.), үһүс миэстэ — 2 кылаас (Степанова А,И.).
«Лучший пиар-продавец»— Владимир Боротов, 3 кылаас, Айлина Исаева, 5-б кылаас, Данилова Уруйдаана, 8-а кылаас.
Биирдиилээн күрэх «Дьикти оҕуруот аһа»: бастакы миэстэ — Павел Макаров, 1 кылаас, иккис миэстэ — 9-б кылаас, үһүс миэстэ — Лиана Петрова, 9-в кылаас.
«Саамай креативнай күһүҥҥү букет» бастакы миэстэ 9-б кылаас (кыл. салайааччыта Кузьмина Е.М.), иккис миэстэ 9-г кылаас (кыл. салайааччыта Маркова С.П.), үһүс миэстэ 11-а кылаас (кыл. салайааччыта Иванова А.П.).
Фотозона күрэҕэр бастакы миэстэ 8-б кылаас (кыл. салайааччыта Серова А.Л.), иккис миэстэ — 7-б кылаас (кыл. салайааччыта Прокопьева Е.М.), үһүс миэстэ — 8-в кылаас (кыл. салайааччыта Тимофеева Г.В.), 8-г кылаас (кыл. салайааччыта Иванова К.Е.).
Дьаарбаҥкаҕа кэлбит оҕо, улахан дьон бары илии тутуурдаах үөрэ-көтө тарҕастылар. Күһүҥҥү тэрээһин оҕону, төрөппүтү уонна учууталы биир сыалга-сорукка түмэн, биир мааны күнү бэлэхтээтэ.
Анисия Семенова, 11-а кылаас, «Дьулуур» медиакиин юнкора,
А.П. Павлов аатынан Сунтаар бастакы нүөмэрдээх орто оскуолата.
keskil14.ru