Саха Өрөспүүбүлүкэтин үөрэнээччилэрин Сайыҥҥы спартакиадатыгар иһинэн көҥүл тустуу күрэхтэһиитэ «Триумф» спортивнай комплекса буола турар.
Күрэхтэһии үс көбүөрүнэн ыытыллар. Кыргыттар уонна уолаттар тустууларыгар уопуттаах, үрдүк таһымнаах судьуйалар үлэлииллэр. Кинилэргэ Дьокуускайдааҕы Олимпийскай Эрэллэр училище алта устудьуона волонтер быһыытынан күүс-көмө буолаллар.
Мин Артур Макаровы, Юрий Винокуровы көрсөн кэпсэттим.
– Тустуунан оҕо эрдэхпититтэн дьарыктанабыт. Күрэхтэһии кылаабынай судуьуйата Станислав Егорович Афанасьев биһиги тренербит буолар. Билигин биһиги Олимпийскай Эрэллэр училищеҕа бастакы кууруска үөрэнэбит. Станислав Егорович күрэхтэһиилэргэ ыҥыран көмөлөһүннэрэр. Көбүөргэ судьуйалыырга уопуттаахпыт. Тустуук киһи аҥардас тустуохтаах эрэ диэн буолбатах. Күрэхтэһиилэргэ судьуйалаан, тэрээһин үлэтигэр көмөлөһөн, уопут ылар, сайдар. Бу ыытылла турар күрэхтэһиигэ мөккүөр тахсыбатын курдук, биһиги көбүөр боковойдарыгар олорон судьуйалыыбыт, – диэн кэпсииллэр Артур Макаров, Юрий Винокуров.
Алена Ксенофонтова,
«Кэскил» медиа-оскуола юнкора, Хадаар, Чурапчы.
Ааптар хаартыскаҕа түһэриитэ