Бүлүү улууһун Баппаҕаайы оскуолата Аҕа дойду Улуу сэриитин кыттыылааҕа, ССРС норуотун, РСФСР уонна Саха АССР оскуолаларын үтүѳлээх учуутала Михаил Андреевич Алексеев аатын сүгэринэн, үгэс быhыытынан, ыам ыйын 5 күнүгэр Михаил Андреевич тѳрѳѳбүт күнүгэр оскуола отчуоттуур концердын нэhилиэнньэ иннигэр таһаарар. Бу күн М.А.Алексеев 106 сааhын бэлиэтээн сарсыардаттан оскуолаҕа торжественнай линейка уонна кылаас чаастара ыытыллыбыттара. Учууталлар Шамаева А.Н., Федорова Т.В. Михаил Андреевич музей саалатыгар алын кылаас оҕолорун мунньан, кини туhунан кэпсээтилэр, хаартыскалары кѳрдѳрдүлэр.
Сылы быhа оскуола иннинээҕи саастаах оҕолор, үѳрэнээччилэр, педагогтар араас күрэхтэргэ, олимпиадаларга, куонкурустарга, тэрээhиннэргэ, научнай – практическай конференцияларга кыттыбыт ситиhиилэрин түмэн оскуолабыт дириэктэрэ Макаров Виталий Владиславович нэhилиэк дьонугар, тѳрѳппүттэргэ иhитиннэрии оҥорор.
2021-22 үѳрэх дьылыттан оскуолаҕа М.А.Алексеев пуондата арыллан, учууталлар сылга биирдэ биир кээмэйдээх харчы уган, анал тэрээhиннэргэ туттуллар. Ситиhиилээх бастыҥ оҕолору бэлиэтээн ол пуондаттан харчынан бириэмийэ уонна анал номинация туттарыллар. Быйылгы 2022 – 2023 үѳрэх дьылын бастыҥнара ааттаннылар:
Бастыҥ үѳрэнээччи —
1. Васильева Лейла – 4 кыл.
2. Иванова Алиса – 5 кыл.
3. Харлампьева Вилена – 11 кыл.
Бастыҥ олимпиадник —
1. Яковлев Харысхан – 4 кыл.
2. Константинова Ирена – 8 кыл.
3. Гаврильева Сардаана – 11 кыл.
Бастыҥ чинчийээччи — Оконешникова Регина – 3 кыл., Яковлева Рада – 9 кыл.
Бастыҥ спортсмен —
1. Борисов Саша – 2 кыл.
2. Николаева Мичилиинэ – 8 кыл.
3. Корякин Кэскил – 9 кыл.
Бастыҥ физик — Алексеева Куннээйэ – 7 кыл.
Бастыҥ математик — Барашков Арылхан – 5 кыл., Антонова Нарыйаана – 10 кыл.
Кѳхтѳѳх кыттааччы —
1. Васильев Олег – 7 кыл.
2. Антонова Наташа – 10 кыл.
3. Николаев Коля – 11 кыл.
Саамай творческай —
1. Антонов Сандал – 3 кыл.
2. Никифорова Тамара – 7 кыл.
3. Никифорова Таисия – 11 кыл.
Бастыҥ эдэр кэрэспэдьиэн — Никитина Лена – 10 кыл.
Саамай музыкальнай — Барашков Арылхан – 5 кыл.
Оскуола иннинээҕи саастаах оҕолорго:
Бастыҥ иитиллээччи — Габышева Даяна
Бастыҥ олимпиадник — Федорова Кэрэл
Кѳхтѳѳх кыттааччы — Яковлева Анель
Юный спорстмен — Николаев Илья
Бастыҥ интеллектуал — Никифоров Тимур
Бастыҥ легостроитель — Макаров Матвей
Отчуоттуур концертка эбии үѳрэхтээhин куруhуоктарыгар, уруок таhынааҕы дьарыктарга үѳрэммит оҕолор талааннарын, сатабылларын кѳрдѳрдүлэр: «Кылыһах» музыкальнай инструменнар, хор, ырыа – салайааччы Кириллина М.Е.; «Тэтим» үҥкүү – сал. Аммосова С.Ю.; «Күндүл» фольклорнай этно-студия – сал. Афанасьева М.И., уолаттарга «Арылхан», кыргыттарга «Мичээр», эр дьон ансаамбыллара – сал. Оленова С.Д.; “Кустукчаан” ырыаһыттара – сал. Николаева Э.П.; учууталлар «Оhуор» үҥкүү ансаамбыла – сал.Винокурова А.С.; уһуйаан үлэһиттэрин үҥкүү ансаамбыла – сал. Харлампьева Е.А..
Үгүс оҕо махталын ылбыт, ыччаты техническэй үөрэхтээһиҥҥэ уһуйбут улуу учуутал М.А.Алексеев аатын сүгэр биhиги оскуолабыт оҕолору билиигэ –кѳрүүгэ үѳрэтэн, үтүѳҕэ – кэрэҕэ иитэн, кэскиллээх олоххо сирдээн үлэлиир-хамсыыр.
Людмила Тарасова, М.А.Алексеев аатынан
Баппаҕаайы оскуолатын учуутала,
Илбэнэ, Бүлүү.