А.Е.Мординов аатынан Тааттатааҕы лицей «Ситиһии – олох аартыгын арыйыы» 2022-2023 үөрэх сылын бастыҥнарын бэлиэтиир тэрээһини Ытык Күөлгэ норуот айымньытын дьиэтигэр быйыл оскуоланы бүтэрээччи Андриан Дорофеев уонна история учуутала Анна Сыромятникова өрө көтөҕүллэн ыыттылар.
Сыл устата балачча кинигэ бэчээттэнэн тахсыбытын педагог-библиотекарь Ольга Корякина сиһилии кэпсээтэ. Ситиһиигэ сирдээбит үлэлэр ааптардарыгар сибэкки дьөрбөтүн бэлэх ууннулар. Дириэктэр Изабелла Сивцева 40-ча тэрилтэ салайааччылара, биирдиилээн бэриниилээх дьон оскуола үлэтигэр сүбэ-ама, көмө буола сылдьалларын киэн туттан кэпсээтэ. Долгутуулаах күн 32 туйгун, 146 үчүгэй үөрэхтээх, 36 олимпиадник, 106 чинчийээччи, 84 тыл, айар эйгэ, 34 спорт,10 it- хайысха бастыҥнар ааттара үрдүк сыанаттан доргуччу ааттанна.
Оҕолор сыл устата чинчийэр үлэҕэ өрөспүүбүлүкэтээҕи “Инникигэ хардыы”, политехническай “От ученических открытий до научных исследований ”, “Якутия 20 век”, “Культурный текст народа в творчестве мастера” Мандар Уус ааҕыылара, “Дарбасовские экономические чтения”, бүтүн Арассыыйатааҕы “Инникигэ хардыы”, “Открой в себе ученого”, “Леонардо”, “Национальное достояние России”,“Новатор”, бүтүн Арассыйатааҕы “Старт по иностранному языку”, “Ларионовские чтения” научно-практическай конференцияҕа миэстэлэспиттэр. IT – хайысхаҕа “Моя профессия IT”, норуоттар икки ардыларынааҕы “it- хакатон”, күрэхтэригэр, “Хак зе Айс” кыһыҥҥы разработчиктар марафоннарыгар,спорт араас хайысхатыгар өрөспүүбүлүкэтээҕи ситиһиилээхтэр.Айар эйгэҕэ уруһуй, уус-уран ааҕыы Саха сирин фестивалларын лауреаттара. Бүтүн Арассыыйатааҕы предметнэй олимпиадаҕа, өрөспүүбүлүкэтээҕи кэтэхтэн предметнэй, метапредметнэй, “Старт в космос”, МГПУ “Учитель школы будущего”, “Будущее Сибири”, Ил Дархан оскуолалар ситимнэрин олимпиадаларын, математикаҕа чемпионаттарын кыайыылаахтарын бэлиэтээтилэр. “Былатыан суолунан” диэн сүүсчэкэ оҕону хабан дьүһүйүүнү кэрэхсии көрдүлэр.
Сандаара – Оксана Андросова.