Бүгүн биһиэхэ Улуу Кыайыы парада буолла. Оҕо саада, оскуола оҕолоро элбэх буолан, Кыайыы шарик тутуурдаах тиийдибит https://t.me/asoshtmk/644
Кыайыы пааматынньыгар биһиги нэһилиэктэн Аҕа дойду сэриитигэр барбыт 74 саллаат аата суруллубут. Мин Аҕа дойду сэриитин туһунан төрөппүттэрбиттэн уонна учууталбыттан элбэҕи билэбин. Холобур, эһэм бииргэ төрөөбүт убайа сэриигэ барбыт уонна төннүбэтэх эбит. Сэбиэскэй сойуус элбэх куораттара, дэриэбинэлэрэ урусхалламмыттар, наһаа элбэх оҕо, ийэ, кырдьаҕас дьон уонна саллааттар өлбүттэр. Кинилэр сырдык кэриэстэригэр «Минута молчания» ордук миигин долгутта.
Арыылаахпытыгар билигин сэрии ветерана диэн суох. Ол эрэн мин 5 саастаахпар¸ оччолорго соҕотох хаалбыт ветераммытын Петр Терентьевичтыын Карсанаев көрсүбүтүм. Дьиэтигэр тиийэн эҕэрдэлээбитим уонна “Катюша” ырыаны ыллаан иһитиннэрбитим. Кини наһаа үөрбүтэ.Кырдьаҕас 98 саастаах этэ. Кини художник эбит, ол иһин дьиэтигэр элбэх хартыына баара. Мин ол түгэни хаһан да умнуом суоҕа. Улахан уҥуохтаах, сирэйигэр снаряд түһэн ханньары тардыбыт, олус эйэҕэс, үөрэ сылдьар ытык кырдьаҕас киһи миэхэ “үчүгэй, үөрэхтээх киһи буол” диэбитэ. Сэрии кыттыылааҕын алгыһын ылбыт үтүө күммүн умнубаппын.
Бүгүн парад кэнниттэн оскуолабытыгар улахан концерт буолла. Мин бэйэм сөбүлээн, талан ылан “Синий платочек” ырыаны ыллаатым. Ырыам табылынна. Дьон таһыннылар, онтон астынным.
Сэрии диэн олус куһаҕан. Бу сир үрдүгэр наар Эйэ эрэ баар буолуон баҕарабын. Оччоҕо ким да ытыа, хомойуо суоҕа.
Виолетта ЕМЕЛЬЯНОВА, I кылаас, Арыылаах орто оскуолата, Чурапчы.