Амма улууһугар бары нэһилиэктэри хабан туран, Саха Өрөспүүбүлүкэтин Бырабыыталыстыбатын отчуота олунньу 5 күнүттэн 7 күнүгэр диэри буолуоҕа. Биһиги нэһилиэкпитигэр Мээндигигэ олунньу 6 күнүгэр ыытылынна. Отчуоту истээри «Алгыс» сынньалаҥ киинигэр олохтоохтор толору муһуннулар.
Өрөспүүбүлүкэ ааспыт сыллааҕы үлэтин-хамнаһын туһунан отчуоту Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатын миниистирэ Перфильев Евгений Андреевич салайааччылаах, 12 киһилээх дэлэгээссийэ кэлэн отчуоттаата. Мунньах үөрүүлээх быһыыга-майгыга арылынна. Ол курдук икки туризмы сайыннарыыга үлэлиир урбаанньыттарга Данилов Алексей Алексеевичка, Охлопков Михаил Прокопьевичка уонна спорка үрдүк көрдөрүүлээх тренергэ Попов Семен Семеновичка Махтал сурук туттарылынна.
Мунньахха нэһилиэк олохтоохторо, билиҥҥи кэмҥэ тирээн турар сытыы боппуруостары туруордулар. Чуолаан Амма баһыгар мас кэрдиитин, сыана үрдээһинин, оскуола капитальнай ремонун, анал байыаннай дьайыыны хабар ыйытыылары иһиттибит.
Саха Өрөспүүбүлүкэтин тыа хаһаайыстыбатын «Саха ынаҕа» тэрилтэ дириэктэри солбуйааччыта Посельскай Егор Ивановичтан, агрооскуолалар сайдыыларыгар бырабыыталыстыба туох көмөнү оҥорорун туһунан ыйытыы биэрдибит.
Роберт ВЕРЕВКИН, Х кылаас «Тыл баайа» медиа киин,
П.И. Караканов аатынан Мээндиги орто оскуолата, Амма
.