«Сыл бэлиэтэ» куонкуруһу Анаабыр оҕолоро олус сөбүлээтилэр. Бу куонкурус 300-кэ оҕону түмтэ.
Сааскылаах орто оскуолатын II «А» кылааһын үөрэнээччитэ Алина Неустроева ийэтин кытта оҥорбут мап-мааны, мап-маҥан куруолугун Дьокуускайга олорор 4 саастаах Саргы Алексееваҕа доҕордоһуу истиҥ илдьитин быһыытынан бэлэх ыытта. Саргы ыраах хоту олорор саҥа дьүөгэтигэр Алинаҕа истиҥ махталын тиэрдэр.
Бу эбэҥкилии таҥастаах мааны куруолук хойутун хойут кинилэри улахан олох аартыгар хайаан да көрсүһүннэриэҕэ, үтүө санааны түстүөҕэ.
Сардаана МАТВЕЕВА