Семен Дмитриевич Флегонтов аатынан Хадаар орто оскуолатын 10 кылааһын үөрэнээччитэ Владик Давыдов. Сүрүн сөбүлээн дьарыктанар көрүҥэ – сүүрүү. Өрөспүүбүлүкэҕэ 400 миэтирэ чемпиона ону тэҥэ 200 миэтирэ призёра. https://vk.com/wall-199463452_6034
Владик сүүрүүнэн 13 сааһыттан дьарыктанан саҕалаабыта. Тренер Реворий Михайлович Елисеев уол дьоҕурун таба көрөн, бэйэтигэр ылан күүстээхтик дьарыктаан киирэн барбыта.
Владик тохсунньуга буолан ааспыт «Тоҕус Томтор» оонньуутугар ситиһиилээхтик кыттан, II миэстэ буолар чиэскэ тиксибитэ.
Спортсмен уол маастар нуорматын толорор сүрүн соруктаах. Владикка баҕарыа этибит үрдүк дабайыылары, кыайыылары! Сөбүлүүр дьарыккын ыһыктыма, сүрүн соруккун ситис! Онтон Владик биир саастыылаахтарыгар спордунан дьарыктанаргытыгар уонна үөрэххитигэр ситиһиилээх буоларгытыгар баҕа санаатын тириэрдэр.
Иванна НИКОЛАЕВА, VII кылаас,
С.Д Флегонтов аатынан Хадаар орто оскуолата, Чурапчы.