Ыам ыйын 4 күнүгэр Таатта – Томпо айылҕа оҕолорун “Мин дойдум – мин тирэҕим” бырайыак чэрчитинэн оҕо ыччаты төрөөбүт дойдуга бэриниилээх өйү-санааны иҥэрэргэ, тулалыыр айылҕаҕын таптыырга аналлаах айан сырыыта олус табылынна. Таатта лицейин 10 “б” уонна Чөркөөх орто оскуолатын 9-с кылаастарын үөрэнээччилэрэ бииргэ алтыһан сырыттыбыт. Кылаас салайааччылара Оксана Андросова уонна Айгылан Никифоров, география учуутала Лена Яковлева доҕордоһуу айанын тэрийдилэр. Ытык Күөлтэн тахсыыга баар “ЫТЫК КҮӨЛ” сурукка тохтоон алгыстаах айан саҕаламмыта. Ворошиловка Кыайыыны уһансыбыт үлэ, тыыл, сэрии хорсун-хоодуот дьонугар аналлаах сиргэбиир мүнүүтэ иһийэн турдубут, махтанан сүгүрүйдүбүт. Албан Аат толору кавалера Петров Д,А. Таастаах өйдөбүнньүгэр тохтоон аастыбыт. Уолба арахсыытыгар турар үс сэргэни болҕойон көрдүбүт. Политсыылынай, этнограф-педагог Ионов В.М. олоро сылдьыбыт дьиэтин историятын билистибит. Хаандыга трассатынан суол бурҕайан сытар. Томпо оройуона диэн “Добро пожаловать” суруктаах сиргэ улуус каартатын көрдүбүт. Мэҥэ-Алдан бэлиэтигэр тиийдибит.
![](https://keskil14.ru/wp-content/uploads/2023/05/WhatsApp-Image-2023-05-05-at-14.22.18-1024x460.jpeg)
![](https://keskil14.ru/wp-content/uploads/2023/05/WhatsApp-Image-2023-05-05-at-14.23.03-1024x768.jpeg)
![](https://keskil14.ru/wp-content/uploads/2023/05/WhatsApp-Image-2023-05-05-at-14.23.50-768x1024.jpeg)
Агоротехническэй хайысхалаах Мэҥэ Алдан оскуолатыгар директора Татьяна Егоровна Ордахова, биология учуутала Чычымахтаан төрүттээх Елена Атастырова, география учуутала Мария Кривошапкина арыылаах саламаатынан, алаадьынан, кымыһынан аан айаҕар көрүстүлэр. Оскуоланы кэрийэн көрдүбүт. Тир баар эбит. Оскуола музейын таһынан, биллэр суруйааччы Неймохов Е.П. краеведческай музейыгар олоҕун аргыһа Мария Петровна, бииргэ төрөөбүт балта Антонина Петровна сиһилии кэпсээтилэр. “Мин дойдум – мин тирэҕим” диэн интерактивнай оонньууга икки хамаандаҕа арахсан өйбүтүн сытыылаатыбыт. Аатырар-сураҕырар пришкольнай учаастактарын илэ харахпытынан көрөн астынныбыт. Саҥа теплица тута сылдьаллар эбит. Алдан эбэ кытылыгар тиийэн сибиэһэй салгынынан тыынныбыт. Куйаарынан үөрэх кэмигэр маннык умнуллубат айантан элбэҕи биллибит. Бырайыакпыт олоххо киирбититтэн олус үөрдүбүт.
Саша Нехчеонов, Георгий Попов, Аина Никонова Таатта лицейин 10 “б” кылаас оҕолоро.