«Мин дойдум, мин Өрөспүүбүлүкэм» диэн биктэриинэни оскуолабыт бибилэтиэкэрэ Василина Борисова иилээн-саҕалаан ыытта. Кылаастан түөртүү оҕо кытынна. Биктэриинэ Саха сирин сайдыытыгар ананна. Сорудах барыта Өрөспүүбүлүкэбит судаарыстыбаннаһын олохтонуутугар олук уурбут чулуу дьоммут сырдык аатарын ааттаан, кинилэргэ сүгүрүйэртэн саҕалаан, тапталлаах дойдубут кыылларыгар, үүнээйигэ, кыылга-сүөһүгэ уонна да атын хайысханан киэҥ хабааннаахтык олус интэриэһинэйдик ааста.
Түмүккэ I миэстэни VII кылаас, II бочуотаах миэстэҕэ V, VI кылаас уонна III миэстэҕэ VIII кылаас оҕолоро тигистилэр. Көхтөөх оҕолор добун суруктары, минньигэс бириистэри туттулар.
Тургутук кэннэ Вилена Мартынова салайааччылаах «Эрэл» оҕо хамсааһына умнуллубат түгэни бэлэхтээтэ. Кинилэр Мэҥэ Хаҥалас улууһугар Томтор нэһилиэгэр «Сайдыс» лааҕырга эдэр баһаатайдар күрэхтэригэр оскуолабыт чиэһин көмүскээн, кыттан, элбэҕи билэн-көрөн, көхтөөхтүк кыттыбыттара. Бу улахан тэрээһиҥҥэ биһиги оскуолабытыттан VII кылаас үөрэнээччитэ Алгыс Попов «Эдэр баһаатай» диэн анал ааты ылан, бары үөрэн-көтөн кэлбиттэрэ. Онтон ылбыт уопуттарын тарҕата таарыйа, олус сэргэх тэрээһини ыыттылар. Оонньуу хас да түһүмэхтээх, патриоттуу иитиигэ сыһыаннаах буолла. Манна оҕолор Сахабыт сирин былааҕын араастаан айан оҥордулар, «Патриот диэн кимий?» диэн сиэпкэ уктар кинигэни айдылар, флешмоб үҥкүүлээтилэр, былаах ойууларынан улуустары таайдылар уонна эрчимнээх, сүүрүүлээх-көтүүлээх оонньуулары оонньоттулар.
Виолетта Иванова, Сайнара Сергеева, «Сайдам» медиа киин чилиэннэрэ,
VIII кылаас үөрэнээччилэрэ, Бөтүҥ, Амма
keskil14.ru