Олунньу 13 күнүгэр «Бэс чагда» оҕолору сынньатар уонна чэбдигирэр киинигэр Николай Матаннанов «Кэскил» оҕо бэчээтин кыһатын эдэр кэрэспэдьиэннэрин кытта көрсөн кэпсэттэ.
Николай Матаннанов Таатта улууһуттан төрүттээх, «Манчаары оонньуулларын» икки төгүллээх муҥутуур кыайыылааҕа, «Дыгын Онньуулларын» үс төгүллэх үрүҥ көмүс мэтээл хаһаайына, СВФУ финансовай-экономическай институтун уонна РФ Президенин иһинэн РАНХиГС управлениетын Финансовай-экономическай институтун выпускнига. Идэтинан «Саханефтегазбыт» АК нефть бородууктатын атыылыыр салаатыгар финансиһынан төрдүс сылын үлэлиир. Үлэтин кэннэ Иван Белолюбскай «Боотур» спортивнай кулуупка тэтимнээхтик эрчиллэр.
Аҕата Николай Петр Матананов Саха сиригэр уонна Таатта оройуонугар спорду уонна чөл олоҕу тутуһууну көҕүлээччинэн буолар. Кини мас тардыһыыга спорт маастара. 1997 сыллаахха «Дыгын оонньууларыгар» иккис миэстэни ылбыта, онтон 1999 сыллаахха «Манчаары оонньууларын» призера этэ. Николай Матаннанов аҕатын туйаҕын хатаран иһэрин киэн тутта кэпсээтэ.
Николай Матаннанов спордунан дьарыктанар оҕолорго элбэхтэ дьарыктанарга, үчүгэй эрчиллиилэри уонна ханнык спортивнай саалаҕа дьарыктанар ордугун сүбэлээтэ. Кини кыра эрдэҕиттэн, 7 сааһыттан, спордунан дьарыктанар эбит. «Азия оҕолорун» оонньууларыгар кытта сылдьыбыттаах. Быйылга «Азия оҕолорун» оонньууларыгар кыттаары сылдьар спортсменнарга бэйэҕитигэр эрэллээх буолуҥ диэн эттэ.
Эдэр кэрэспэдьиэннэр Николай Матаннанов интириэһэргиир ыйытыыларыгар олус сэргэхтик уонна сэмэйдик эппиэттээтэ. Спортивнай ситиһиилэрин туһунан элбэҕи биллибит, хаартыскаҕа түстүбүт, көрсүһүүттэн олус астына хааллыбыт.
Джулианна Дорофеева,
VIII кылаас, И.Л. Кондаков аатынан Бүлүү гимназията.