Мин ийэлээх аҕам Усуйаана Силээннээҕиттэн төрүттээхтэр. Силээннээх диэн үрэх аатынан ааттаммыт дэриэбинэ. Тылдьытынан көрдөххө, «силээн» диэн сис тыаттан үрэх кытылыгар киирэр ыарҕалаах аппа сири ааттыыллар эбит. Кырдьык, дэриэбинэ оннук сиргэ турар. Ол эрээри дөкүмүөнүнэн Сайылыгынан биллэр. Урут манна Буур Хаайбыт диэн сиртэн сайылыы кэлэллэр эбит. Онтон ССРС үрдүнэн биллибит Силээннээх сопхуоһа тэриллибит. Онон сайылыы эрэ кэлээччилэрбит кыстыыр буолбуттар. Буур Хаайбыт диэн сири мин хос хос эһэм Константин Аттосов арыйбытынан киэн туттабын.
Сайын мин Нам Аппаанытыгар баран сынньанабын. Былыргы аата «Куһаҕан ыал» диэн эбитин истэн, олус соһуйбутум. Онтон маннык дьикти номох баарын истибитим: Уһун суолтан сылайбыт-элэйбит дьон, дьиэ-уот баарын көрөн, сынньаныахтарын баҕарбыттар. Онуоха дьиэлээх эмээхсин көҥөнөн, салгыы бара туруҥ диэн, аанын да арыйбатах.
Итинник саха ыалдьытымсах үгэһин кэспитин иһин эмээхсин куһаҕан быһыытын-майгытын сөҕөн, ааттаабыттарын истэн, хомойбутум да, төрөөбүт дойдуну ийэлээх аҕаны талбаттарын курдук, талбаккын эбээт! Мин Аппааныбын син биир таптыыбын.
Лиана ЭВЕРСТОВА, Михаил КЛИМОВСКИЙ
VII кылаас үөрэнээччилэрэ
12-ис нүөмэрдээх оскуола
Дьокуускай куорат