Быйылгы үөрэх дьылыгар дьаҥ-дьаһах элбээн, оҕолор ыалдьаннар Амма нэһилиэгэр карантин биллэрбиттэрэ иккис нэдиэлэтэ буолла.
2020 сыллаахха биһиги бастакы кылааска үөрэнэ киирбиппитигэр куйаар ситиминэн үөрэх аан бастаан саҕаламмыта. Биһиги бастакы кылааһы улахан аҥаарын онлайн үөрэммиппит. Бастаан олус ыарахан этэ. Билигин син үөрэннибит. Бары цифровой эйгэни баһылаатыбыт. Урут «Zoom», онтон «Сферум», быйыл «Max» сыһыарыы көмөтүнэн үөрэхпит салҕанар.
«Max» сыһыарыы сүрдээх табыгастаах диэн сыаналыыбыт. Элбэх функциялаах, учуутал экраны көрдөрөрүгэр «Zoom», «Сферум» курдук уһуннук толкуйдаабакка «Max» тута көрдөрөр. Учууталы кытары сибээспит санаабытыгар чугас курдук. Бииргэ үөрэнэр оҕолорбутун кытта эмиэ онно бөлөх арынан кэпсэтэбит. Маны таһынан үчүгэйэ диэн «Гига» диэн искусственный интеллект, көмөлөһөөччү баар. Ыарахаттаргын ыйыттаххына тута эппиэттиир. Онон биһиэхэ көмө-ама буолар. Уруоктарбытын 30 мүнүүтэ ыыталлар. Ол бириэмэ иһигэр син барытын ситиһэбит. Эбиэт кэнниттэн олимпиадаҕа бэлэмнэниилэр, эбии дьарыктар эмиэ куйаар ситимин нөҥүө ыытыллаллар. Карантиммыт бүтэ охсоро буоллар. Төһө даҕаны дьиэҕэ олорон үөрэнэр табыгастааҕын иһин, оскуолаҕа баран үөрэнэрбитин аҕынныбыт.
Ааҕааччыларга баҕарыахпыт этэ кытаанах доруобуйаны, ыалдьымаҥ, бэйэҕитин, чугас дьоҥҥутун харыстааҥ.
Уйгулаан ПЛАТОНОВ, Уруйдаан ПЛАТОНОВ
XI кылаас үөрэнээччилэрэ
«АЛиК» медиа-киин
Академик Л.В. Киренскэй аатынан Амматааҕы лиссиэй
keskil14.ru