Ытыктабыллаах “Кэскил” хаһыат эрэдээксийэтэ! Биһиги С.Ф. Гоголев аатынан педагогическай колледж 4 “Б” кылааһын үөрэнээччилэрэ буолабыт. Кылааспыт салайааччыта Евдокия Афанасьевна. Биһиги суруналыыстыка курһуогар дьарыктанабыт. Салайааччыбыт Ангелина Афанасьевна Кузьмина. Биһиги күн күбэй ийэлэрбитигэр анаан Ийэ күнүн ыыттыбыт. Бу тэрээһин “Ийэбэр” ырыанан саҕаламмыта. Оҕолор сахалыы нарын үҥкүүнү көрдөрбүппүт, хоһоон аахпыппыт. Ол кэннэ ийэлэрбитигэр анаан сибэкки дьөрбөтүн оҥорон туттарбыппыт. Бу кэрэ бырааһынньыгы биһиги кылаастан Саввина Сандаара уонна Флегонтов Дамир, оттон 4 «А» кылаастан Лебедева Дана, Бурнашев Вася салайан ыыппыттара. Көрдөөх оонньуу, викторина буолбута. Ийэлэрбитин үөрдүбүппүтүттэн олус астынныбыт. Ордук сөбүлээбиппит диэн күндү дьоммутугар бырааһынньык оҥорбуппут буолар. Эбэлэрбит, ийэлэрбит баар буоланнар биһиги баарбыт. Күндү учууталбытыгар Евдокия Афанасьевнаҕа бу дьоллоох кэрэ бырааһынньыгы иилээн-саҕалаан тэрийбитигэр барҕа махталбытын тиэрдэбит! Ийэ күнүгэр анаан күндү дьоммут туһунан истиҥ тылларбытын сурукка тистибит.
Мин ийэбин наһаа таптыыбын. Ийэм аата Людмила Александровна. Биһиги бииргэ төрөөбүттэр түөрпүт. Кини олус элбэҕи үлэлиир, ас астыыр, бырааппын көрөр, дьиэни хомуйар. Быраатым утуйдаҕына, ийэбин кытта попкорн астыырбытын сөбүлүүбүт. Ийэ уонна аҕа диэн бу күн сиригэр саамай күндү, чугас дьоммут буолаллар. Оҕолор, чугас дьоҥҥутун көрө-истэ, көмөлөһө сылдьыҥ, үчүгэй дьон буолуҥ, биһиги дьоммут баар буолан дьоллоохпут, ону өйдөөҥ, таптыаҕыҥ уонна харыстыаҕыҥ кинилэри!
Аэлита Окоемова.
Мин ийэбин Елизавета Ильиничнаны олус таптыыбын, ийэм хара харахтаах, долгуйар уһун суһуохтаах. Баахыла буһарарын, пааркаҕа, айылҕаҕа дьаарбайарбытын, саҥаны үөрэтэрбитин сөбүлүүбүн. Дьэдьэн үргээччибит. Кэнсиэркэ үҥкүүлээбиппэр наһаа үөрбүтэ. Кини сибэккилэртэн розаны ордорор. Мин ийэм аттыгар мэлдьи сылдьыахпын баҕарабын. Ийэбэр үгүс үөрүүнү, доруобуйаны баҕарабын!
Айсиэн Дьячковскай
Мин ийэм аата Елена Капитоновна. Миэхэ ийэм саамай күндү киһим. Сарсыарда эрдэ туран быраатым биһиккигэ ас астыыр. Ийэбит биһигини олус таптыыр, бырааппыныын ийэбитин күүскэ-күүскэ таптыыбыт! Ийэбитигэр көмөлөһөбүт, оонньуурбутун хомуйабыт, чэй өрөбүн, муостаны харбыыбын, бырааппын көрсөбүн. Өрөбүл аайы биһиги бары былаһааккаҕа тахсабыт, оонньуубут. Мин ийэм бороҥ харахтаах, уһун суһуохтаах, нарын илиилээх, олус кэрэ дьүһүннээх. Өйдөөх, чиэһинэй, күүстээх, үтүө санаалаах.
Милена Осипова
Кунду тапталлаах ийэбин Вера Петровнаны ийэ күнүнэн итиитик-истиҥник эҕэрдэлиибин! Ийэм ас астыырга үөрэтэр. Мин эгэлгэ астары астааммын үөрдэбин. Кини саамай сөбүлүүр дьарыга ас астааһын. Ийэм аһын олус сөбүлүүбүн. Оскуолаттан кэллэхпинэ наар үөрэр, куһаҕан сыананы ыллахпына мөхпөт. Ийээ, баҕа санааҥ барыта туоллун, барыта этэҥҥэ буоллун! Оҕолоор, ийэлэргитин, эбэлэргитин харыыстыы сылдьыҥ!
Саввина Сандаара
Күндү ийэбин Лидия Дмитриевнаны Саха сирин ийэлэрин күнүнэн истиҥник эҕэрдэлиибин. Мин ийэм ас астыырын сөбүлүүр. Киниэхэ ас астыырга көмөлөһөбүн. Ийэм миигин үчүгэйдик үөрэнэргэ, бэрээдэктээх буоларга үөрэтэр. Мин киниэхэ кекс оҥордохпуна олус үөрэр. Баҕарабын мэлдьи бу курдук үлэлии-хамсыы, чэгиэн сылдьаргар, дьоллоох буол! Мин ийэбин таптыыбын, кууһабын. Оҕолоор, ийэҕитин уонна эбэҕитин харыстааҥ, мэлдьи үөрдэ сылдьыҥ.
Настя Куличкина
Мин ийэбин Александра Гаврильевнаны Ийэ күнүнэн истиҥник эҕэрбэлиибин. Ийэм кинигэ ааҕарын, дорама көрөрүн сөбүлүүр. Ийэбиттэн үчүгэйдик астыырга үөрэниэхпин баҕарабын. Ийэм миин астаатаҕына наhаа үөрэбин. Ийэбэр үгүс уйгуну, быйаҥы, харчыны, үчүгэй доҕоттору, элбэх үөрүүнү уонна хомолто суох буоларыгар баҕарабын. Мин кинини күүскэ таптыыбын. Ийэбэр чэгиэн доруобуйаны уонна күн сардаҥатын курдук элбэх мичээри ис сүрэхпиттэн баҕарабын.
Симона Павлова
С.Ф. Гоголев аатынан педагогическай колледж
“Арыллыы” суруналыыстыка куруһуогун үөрэнээччилэрэ.