Олунньу 11 күнүгэр Сунтаар улууһун 3 №-дээх орто оскуола бастыҥ выпускнига, «Хорсунун иһин», «Бойобуой өҥөтүн иһин» мэтээллэр кавалердара, старшай снайпер, младшай сержант, анал байыаннай дьайыыга сырдык тыынын толук уурбут Ньургун Николаевич Григорьев, сырдык кэриэһигэр аналлаах «Бэргэн» буулдьанан биирдиилээн ытыыга III региональнай (Бүлүү бөлөх) таһымнаах күрэх буолан ааста. Сунтаар улуһун 17 оскуолатыттан, Ньурба Күндээдэтиттэн уонна Бүлүү улууһун 2 оскуолаларыттан, барыта холбоон 78 үөрэнээччи, 19 салайааччы кытынна.
Үһүс төгүлун ыытыллар «Бэргэн» буулдьанан ытыы күрэҕи Сунтаар улууһун баһылыга Анатолий Васильевич Григорьев арыйда. Ньургун Григорьев курдук дойдутугар бэриниилээх, ытыктабыллаах ыччат үүнэ-сайда турарыгар баҕа санаатын эттэ уонна Ньургун төрөппүттэригэр бэриниилээх ыччаты иитэн таһаарбыттарыгар махтанна. Анал байыаннай дьайыыга ытык иэстэрин толоро сылдьар Ньургун, Николай Григорьевтар доҕотторо, командирдара куйаар нөҥүө эҕэрдэлэрин ыыттылар, ситиһии, кыайыы ким бэлэмнээххэ тиийэригэр баҕа санааларын эттилэр.
Кыттааччылар түөрт түһүлгэнэн араҕыстылар, кыраҕы харахтарынан сыалы табаары кыҥастаһар күрэхтэрэ буолла.
Күрэх түмүгүнэн:
VIII—IX кылаас кыргыттарыгар:
1 миэстэ — Азалия- Күннэй Саввинова (СПТЛИ);
2 миэстэ – Милана Егорова (Хоро);
3 миэстэ — Сайаана Керемясова (Тойбохой).
VIII—IX кылаас уолаттарыгар:
1 миэстэ — Иван Нахов (Хадан);
2 миэстэ — Кирсан Ксенофонтов (СПТЛИ);
3 миэстэ — Мичил Осипов (ССОШ №1).
X—XI кылаас кыргыттарыгар:
1 миэстэ — Ньургуйаана Корякина (Бүлүү);
2 миэстэ — Агния Семенова (Тойбохой);
3 миэстэ — Алена Максимова (Бордоҥ).
X-XI кылаас уолаттарыгар:
1 миэстэ — Эрхан Тимофеев (Кутана);
2 миэстэ — Виктор Тимофеев (Тойбохой);
3 миэстэ — Меркурий Томский (Бүлүү);
Тренердэргэ:
1 миэстэ — А.И. Семенов (Тойбохой);
2 миэстэ — П.П. Иванов (ССОШ№ 2);
3 миэстэ — П.Р. Кырелов (Дьаархан).
Анал ааттар:
«Бэргэн» — Юлиана Семенова, Х кылаас (Кутана,);
«Дьулуур» — Ориона Наумова, VIII кылаас (ССОШ №3);
«Эрэл» — Айтыын Кузьмин, VIII кылаас (Дьаархан);
«Табыгас» — Ярослав Тереясов, XI кылаас (Бордоҥ).
Бөлөхтөрүгэр кыайыылаахтар муҥутуур кыайыылаах иһин кииристилэр. Түмүккэ күрэх муҥутуур кыайыылааҕынан Сунтаар лиссиэйин VIII кылааһын үөрэнээччитэ Азалия-Күннэй Саввинова буолла, тренер Н.В. Селляхов. Муҥутуур кыайыылаах Ньургун Григорьев төрөппүттэрэ туруорбут оҕус-борооскунан, тренерэ харчынан наҕараадаланнылар. Спонсардаан өйөөбүт тэрилтэлэргэ, күрэх тэрийээччилэригэр, Ньургун Григорьев төрөппүттэригэр барҕа махталбын тиэрдэбин.
Алена МАКСИМОВА, XI кылаас,
Бордон орто оскуолата, Сунтаар улууһа
С.С. Васильев хаартыскаҕа түһэриитэ