Биһиги оскуолабытыгар директорбыт Спиридон Спиридонович Шишигин араас омук доҕотторо өрүү ыалдьыттыыллар.
Ол курдук, кулун тутарга Сөрен Бирке диэн Германия биллэр музыкана, араас бэстибээллэр тэрийээччилэрэ кэргэнин Марайке Бадеры кытта ылдьыттаан ааспыттара. Кини оҕолорго дудук диэн үрэр музыкальнай инструменынан оонньообута. Бу дьикти, ураты тэтимнээх музыка доҕуһуолунан оҕолор үҥкүүлэспиттэрэ. Ону таһынан уоһунан үрүллэр хормуосканан Техас музыкатын оонньоон сөхтөрбүтэ. Түмүгэр Спиридон Спиридонавичтыын иккиэн тэҥҥэ хомуска оонньообуттарын көрөөччүлэр олус сэҥээрбиттэрэ.
Үөрэнээччилэр бу көрсүһүүнү олус интэриэһиргээбиттэрэ, ыйытыылары биэрбиттэрэ. Ыалдьыппыт оҕолор аангылыйа тылын үчүгэйдик билэллэриттэн сөхпүтэ. Долун Михайлов саха остуол оонньууларын хабылыгы уонна хаамысканы көрдөрбүтэ.
Ити курдук биһиги киэн туттар кыракый хомус – музыкальнай инструмеммыт норуоттары холбуур, ситимниир күүстээх. Ханнык да ыарахаттар доҕордоһууга мэһэй буолбаттар.
Сарыал Хатылыков, VII «Б» кылаас,
И.М. Яковлев аатынан Покровскай 1 №-дээх орто оскуолата