Дьиэ кэргэним үйэлээх баайа Үйэлээх аат

Эбэм Михаил Николаевы кытта көрсүбүтэ

11.11.2024 15:14

Сэтинньи 13 күнэ – Саха өрөспүүбүлүкэтин Бастакы Президенэ

М.Е. Николаев төрөөбүт күнэ

Мин эбэм Екатерина Гаврильевна Захарова Орто Халыма оройуонун бастакы Хаҥалас нэһилиэгэр 1955 сыл кулун тутар 2 күнүгэр түөрт уол кэнниттэн бэһис оҕонон күн сирин көрбүтэ.

1962 сыллаахха Өлөөкө Күөл аҕыс кылаастаах оскуолатыгар маҥнайгы кылааска үөрэнэ киирбитэ. 1970 сыллаахха бүтэрэн, салгыы Арҕахтаах Х кылааһын интэринээккэ олорон бүтэрбитэ. Ол кэмҥэ «оскуола – производство – үрдүк үөрэх» диэн бачыымы өйөөн, төрөөбүт нэһилиэгэр килиэккэлээх кыылы иитэр фермаҕа үлэлии хаалбыта.

Кинилэр үлэлиир кэмнэригэр комсомол оруола үрдүк эбит: субуотунньуктар, мунньахтар, кэнсиэрдэр, үлэҕэ куоталаһыылар. Эбэм биэс сылы быһа үчүгэйдик үлэлээн, нэһилиэк, оройуон депутатынан талыллыбыта. Биир ийэ кырсаттан 8-9 оҕону ылан, өрөспүүбүлүкэҕэ бастыҥ көрдөрүүнү ситиспитэ уонна «Силээннээх» сопхуос бастыҥ кыылы иитээччитэ, Социалистическай Үлэ Геройа Мотрена Ивановна Аммосова бирииһин ылбыта.

1975 сыллаахха Уобаластааҕы XXVII комсомольскай конференция делегата, онтон 1976 сыллаахха ЫБСЛК «Молодой гвардеец пятилетки» бэлиэтинэн, ВДНХ кыттар путевканан наҕараадаламмыта.

Хаартыскаҕа: М.Е. Николаев (бастакы эрээккэ уҥаттан хаҥас үһүс олорор),
эбэм (иккис эрээккэ уҥаттан хаҥас төрдүс турар), Дьокуускай, 1976 с.
Эбэм Екатерина Гаврильевна олус күндүтүк саныыр хаартыскалаах. Бу – 1976 сыллаах хаартыска. Өрөспүүбүлүкэ эдэр ыччаттарын сүлүөтүгэр улуус аатыттан кэлэн кытта сылдьан, Обком знамятын аттыгар хаартыскаҕа түһэр үрдүк чиэскэ тиксибит.

Бу бэлиэ суолталах хаартыскаҕа Михаил Ефимович Николавев баар. Кини оччолорго Саха АССР миниистэрдэрин сэбиэттэрин бэрэссэдээтэлин солбуйааччыта эбит. Маны сэргэ хаартыскаҕа обком үлэһиттэрэ А.А. Томтосов, И. Заморщиков, Үлэ Геройдара, кинилэр ортолоругар Е. Новгородова уо.д.а бааллар.

Михаил Ефимовиһы холку, сэмэй салайааччы быһыытынан өйдөөн хаалбыт.

Эбэм Екатерина Гаврильевна 1982 сыллаахха ветеринарнай быраас идэтин баһылаан, Эмис нэһилиэгэр кэлбитэ.

Эһэбитин Дмитрий Васильевич Захаровы кытта ыал буолан, үс уол оҕону төрөтөн, элбэх сиэннэнэн, билигин бочуоттаах сынньалаҥҥа олорор.

Саһарбыт эргэ хаартыска олох историятын кэпсиир кэм кэрэһитэ буолан, ааспыт үйэ чахчыларын туоһулаан, сиэннэргэ, хос сиэннэргэ хаалыаҕа.

Дима ЗАХАРОВ, IX кылаас,

В.М. Новиков-Күннүк Уурастыырап аатынан Эмис орто оскуолата, Амма

##дьиэкэргэнимүйэлээхбаайа##кэскиллээхолоххобэлэмбуол#Михаил Ефимович Николаев

Добавить комментарий Отменить ответ

Наименование издания: keskil14.ru
Учредитель: Государственное автономное учреждение Республики Саха (Якутия) «Детское издательство «Кэскил»» имени Н.Е. Мординова-Амма Аччыгыйа.
Главный редактор: Чьямова Татьяна Васильевна.
Адрес редакции: 677000, г. Якутск, ул. Орджоникидзе, 31.
Телефон редакции: +7(411)234-11-12.
Электронная почта редакции: keskilpress@gov14.ru

При любом использовании текстовых материалов на иных ресурсах в сети Интернет гиперссылка на источник обязательна. Фотографии, видеоматериалы, и иные мультимедийные продукты могут быть использованы только с письменного согласия редакции и учредителя.

6+

Cетевое издание keskil14 зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07.12.2020 г. Регистрационный номер ЭЛ № ФС77-79667.