Оскуолабытыгар олус сонун, дьикти доҕор кэллэ! Кини робот! Биллэн турар, мин бу иннинэ атын роботтары көрбүтүм, киинэлэргэ да элбэхтик көрөбүн. Ол эрээри, биhиги оскуолабытыгар кэлбит робот олус атын!
Кини куоска курдук кулгаахтаах, улахан харахтаах, тугу эрэ этэрдии уларыйар экраннардаах уонна олус сымса! Оскуолабыт остолобуойугар ас тарҕатар. Оннук сэрэнэн, тугу да тохпокко, остуоллар быыстарынан сүүрэр. Оҕолор ahaaн баран иhиттээх подностарын робот анал платформатыгар уураллар, ону иhит сууйар хоско илдьэн биэрэр. Дьуһуурунайдарга олус көмөлөөх. Оҕолор чааскы, тэриэлкэ таспаттар. Барытын Мяу тahap. Хата, иһит-хомуос мээнэ алдьаммат. Xahaн эрэ итии ahы аҕалан иһэн: “Сэрэниҥ, итии!”—диэбитэ. Онуоха бары күлсэн тоҕо барбыппыт, кини олус сөпкө саҥарбытыттан соһуйбуппут.
Кырдьык, биhиги бары саҥа доҕорбутун олус таптыыбыт. Остолобуойга киирдэхпитинэ, xahaн кэлэрин кэтэhэбит. Xac биирдиибитигэр ahы тahapa олус холку. Ыксаабакка, ол эрээри, оҕолору кэтэhиннэрбэккэ үлэлиир.
Бу роботчааммыт биhиэхэ олус элбэҕи көрдөрдө уонна өйдөттө. Аныгы тэриллэр биhиги олохпутугар хайдах киирэллэрин, көмөлөһөллөрүн көрдүбүт. Билигин мин уонна доҕотторум бары роботтары оҥорорго, аныгы тэриллэри толкуйдуурга улаханнык интэриэhиргээтибит. Ким билэр, баҕар, кэлин мин бэйэм да маннык роботчааны оҥоруом турдаҕа!
Биhиги оскуолабыт робота—бу олоххо биир саамай кэрэхсэбиллээх уонна туһалаах сонун бырайыак буолар.
Дьулус Яковлев, М.Е. Николаев аатынан Дьокуускай куораттааҕы 40 №-дээх оскуола IX “А” кылааһын үөрэнээччитэ.