Сотору кэминэн көмүс күһүн тиийэн кэлиэ. Ону сэргэ дьон сылаас таҥаһын кэтиэ. Дьыл хайа баҕарар кэмигэр былааты баанабыт. Кыыс аймах былаатын арааһа элбэх буолар. Былаат хаһан даҕаны муодаттан тахсыбат. Ханнык баҕарар былаачыйаҕа, көстүүмҥэ барсар. Сүрүнэ – сөпкө бааныахха наада.
Былааты баайыы арааһа олус элбэх. Ол хас биирдии киһи фантазиятыттан тутулуктаах.
Былааты баанчык быһыытын курдук баан. Икки уһугу үөскэтэн, кириэстии тут. Түмүгү оҥорон, биэтилэни үөскэт. Онтон сыыйа ойута тардан, иккис биэтилэни оҥор.
Ковбойдуу баайыы – саамай тарҕаммыт көрүҥ. Былааты үс муннуктуу түөһүҥ диэки уур. Икки кэлин уһуктарын кириэстии баай. Холку быһыылаа. Джинсы ыстааны, булууһаны кытта ордук барсар.
Французтуу баайыы
Былааты икки уһугуттан ыл. Икки өттүттэн ортотун диэки бүк тут. 5 см кэтиттээх балаһаны үөскэтэн, устатынан эмиэ бүк тут. Ол кэнниттэн моонньугун былаатынан эрий. Кэннинэн хардары тутан иннигэр аҕал. Уһуктарын тэҥнээн баран сыҥааҕын аннынан биирдэ баай. Моонньугар сыҕарыт. Иккиһин баай уонна уһуктарын көннөрөн биэр.
