Брэйкинг диэн үҥкүү салаатын биир көрүҥэ. Бу үҥкүү ааспыт үйэ 70-с сылларыгар хип-хоп культура силигилии сайдар кэмигэр үөскээбитэ. Бу үҥкүү төрүттээччитинэн Кул Герк диэн диджейы ааттыыллар. Кини олорор сирин аттыгар киэһэ ахсын ыччакка тэрээһиннэри ыытар эбит. Диджеиҥҥа «брэйк» диэн ырыа тыллара, атын инструменнар иһиллибэккэ, охсор, ол эбэтэр ударнай эрэ тыаһыыр кэмэ баар. Ол түгэни ыччат сөбүлээн, тэтимнээхтик, харса хабара суох хамсанан, үҥкүүлээн барарын бэлиэтии көрбүт. Ол иһин Кул Герк брэйк бириэмэтин уһатан, икки тэҥ пластинканы сэргэ холбоон, микстаан, ыччат үҥкүүлүүр, хамсаныынан бэйэтин көрдөрөр, арыйар кыаҕын биэрбитэ.
Брэйкины үҥкүүлүүр дьону би-бойдар уонна би-гёрлстар диэн ааттыыллар.
«Азия оҕолоро» спортивнай оонньууга брэйкинг аан бастаан 2022 с. киирбитэ.
Петр Черкашин, брэйкинг көрүҥэр Саха сирин хамаандатын сүрүн тренерэ:
– «Азия оҕолоро» спортивнай оонньууга брэйкинг көрүҥҥэ Саха сирэ иккис төгүлүн кыттабыт. Владивосток куоракка ыытыллыбыт оонньууга олус бэркэ кыттан, полуфиналга тиийэн баран, Москва хамаандатыгар хотторбуппут.
Бу оонньууга Саха сирин чиэһин икки хамаанда көмүскүөҕэ. Брэйкинг көрүҥҥэ Илин Уһук, Сибиирдээҕи федеральнай уокурук, Москва үҥкүүһүттэрэ кытталлар.
Күрэх икки хайысханан – биирдиилээн уонна хамаанданан ыытыллар. Хамаандаҕа кыыс уонна уол бииргэ кытталлар.
Лилия Афанасьева, Саха сирин хамаандатын чилиэнэ:
– Брэйкинг көрүҥү уруккуттан сэргиибин. Анаан дьарыктаммытым сыл аҥаара буолла. Бэйэм араас хайысхаҕа холонон көрөбүн. Ол курдук, брэйкинг таһынан, вакинг, all styles хайысхаларынан араас баттларга кыттабын. Норуоттар икки ардыларынааҕы «Азия оҕолоро» оонньууга кыттарбыт биһиэхэ уопут, атын кыттааччылары көрөбүт.
София Мингинович, УҺук Илин федеральнай уокурук хамаандатын чилиэнэ:
– Мин үҥкүүнэн дьарыктаммытым аҕыс сыл буолла. Бастаан эдьийим үҥкүүлүрүн көрөн, кини курдук буолуохпун баҕаран үҥкүүгэ суруттарбытым. Онтон улам сөбүлээн, араас куонкурустарга, күрэхтэргэ ситиһиилэнэн, билигин олоҕум суолтата, биир сүрүн хайысхата буолла. «Азия оҕолоро» Норуоттар икки ардыларынааҕы оонньууга кыттарым миэхэ улахан чиэс. III миэстэни ылан үөрдүм. Кыттааччылар бары кыахтаахтар, бэйэлэрэ туспа уратылаахтар.
Күрэх бастакы күнүгэр биирдиилээн киирсии буолла. Тыҥааһыннаах киирсии кэннэ маннык түмүк таҕыста.
Кыргыттарга:
1миэстэ — Анна Бакулина (Нюша), Москва к.
2 миэстэ — Амелия Токманова, Сибиирдээҕи ФО
3 миэстэ — София Мингинович (Минги), Уһук Илин ФО
Уолаттарга:
1миэстэ — Даниил Нотков (Джокер), Сибиирдээҕи
2 миэстэ — Матвей Смирнов (Баббл Гам), Москва к.
3 миэстэ — Ярослав Кармадонов (Карман), Уһук Илин ФО
Брэйкинг көрүҥү быйыл Олимпиада оонньууларыгвр киллэрдилэр. Онон бу кэскиллээх спорт көрүҥэ Аан дойду үрдүнэн өссө элбэх ыччаты түмэрэ саарбаҕа суох.
Нарыйаана Захарова, VII кылаас,
«Айыы Кыһата» Национальнай гимназия, Дьокуускай к.,
Александра Аммосова, VIII кылаас,
26 №-дээх орто оскуола, Дьокуускай к.
хаартыскаҕа түһэриитэ
«Азия оҕолоро» пресс-киин эдкордара