Бөтүҥ агрохайысхалаах орто оскуолатын оҕолоро нэһилиэкпитигэр көҕөрдүү үлэтин кытары билим-практическай үлэлэрин саҕалаатылар.
Ол курдук оскуолабыт кураторын кытта, биир дойдулаахпыт биология институтун сүрүн научнай үлэһитэ, тыа хаһаайыстыбатын билимин кандидата Иннокентий Аполлонович Федоров буолан иккис сылын «Хааччах» диэн сиргэ лесопитомникка чинчийэр үлэ ыытабыт. Былырыын уонна быйыл, быһа холоон, 750 үнүгэстэри олортубут.
![](https://keskil14.ru/wp-content/uploads/2024/05/PHOTO-2024-05-27-18-54-24-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-01-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-52-59-768x1024.jpg)
Гоша Онуфриев VIII кылаас үөрэнээччитэ чинчийэр үлэтинэн, салайааччыларын кытта былырыын олордубут үнүгэстэрин мээрэйдээн, саҥа титириктэри олордон кэллэ. Бу үлэтин элбэх билим-чинчийэр ааҕыыларга ситиһиилээхтик көмүскээбитэ. Салайааччыта Ида Иннокентьевна Назарова Бөтүҥ орто оскуолатын биология учуутала. Мантан сайын Гоша чинчийэр үлэтин салгыы ыытар.
Бу саас алын сүһүөх кылаас оҕолоро Иннокентий Апполлонович бэлэхтээбит акация талах сиэмэтиттэн тулалыыр эйгэ уруогар олордубуттарыттан 1000 үнүгэс таҕыста. Олортон хас биирдии алын сүһүөх кылаас оҕолоро дьиэлэригэр илдьэ баран, олордон нэһилиэкпитигэр көҕөрдүү үлэтигэр кыттыстылар. Ону таһынан Сир күнүн көрсө «Мичээр» уһуйааҥҥа бэлэхтээбиттэрэ.
![](https://keskil14.ru/wp-content/uploads/2024/05/PHOTO-2024-05-27-17-52-56-1-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-52-56-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-04-1-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-04-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-05-1-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-05-1024x768.jpg)
![](https://keskil14.ru/wp-content/uploads/2024/05/PHOTO-2024-05-27-17-53-06-1-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-06-768x1024.jpg)
![](https://keskil14.ru/wp-content/uploads/2024/05/PHOTO-2024-05-27-17-53-07-768x1024.jpg)
Иккис кылаас оҕолоро оскуолатааҕы бизнес инкубатор иһинэн атыылаан үп-харчы кылаастарыгар киллэрилиннилэр. Учууталлара Нюргуяна Ивановна Давыдова.
IV «б» кылаас оҕолоро оскуола иһинэн рассадникка күһүҥҥүгэ бэлэмнээн акацияларын олортулар. Учууталлара Екатерина Егоровна Сидорова. Ньургун Осипов уонна Эльвира Романова сайын устата кэтээн, көрөн-харайан, чинчийэр дневниктарын толорорго соруннулар. Иннокентий Апполлонович нэһилиэк олохтоохторугар анаан көҕөрдүү үлэтин сөпкө ыытарга тэттик туһалаах сүбэлэри биэрдэ.
![](https://keskil14.ru/wp-content/uploads/2024/05/PHOTO-2024-05-27-17-52-58-1024x768.jpg)
![](https://keskil14.ru/wp-content/uploads/2024/05/PHOTO-2024-05-27-17-52-58-1-1024x768.jpg)
![](https://keskil14.ru/wp-content/uploads/2024/05/PHOTO-2024-05-27-17-52-57-1-1024x768.jpg)
Маны таһынан Амма кэрэ сиригэр Короленко хайатыгар үүнэр Амма «сакуратын» уонна Бөтүҥҥэ Уорай сиригэр үүнэр рододендрону тэҥнии тутан чинчийэр үлэлэрин V кылаас үөрэнээччилэрэ Катя Дьячковская, Славиана Шишигина уонна IV «а» кылаастан Индира Чупрова яблоня талаҕын оскуолабыт тэлгэһэтигэр олордон, үөрэтэр-чинчийэр үлэлэрин саҕалаатылар.
VII-VIII кылаас уолаттара Бөтүҥ сопхуос бааһынатыгар бурдук ыһыытыгар көмөҕө таҕыстылар. X кылаас кыргыттара олоҥхо ыһыаҕар бэлэмнэнии чэрчитинэн практика бараллар.
Үлэ киһини киэргэтэр диэн санаанан үлэ күөстүү оргуйар.
Нарыйа Иванова, VII кылаас,
Н.Е. Иванов аатынан Бөтүҥ орто оскуолата, Амма улууһа