Эльвира Ефремова, Милена Гаврилова, Мадина Газибекова Саха Өрөспүүбүлүкэтин үөрэнээччилэрин Спартакиадатыгар көҥүл тустууга Нам улууһун хамаандатын чиэһин көмүскүүллэр.
Эльвира Ефремова VI кылаас үөрэнээччитэ, 40 киилэҕэ тустар. Милена Гаврилова VII кылааcка үөрэнэр, тустар ыйааһына 45 киилэ. Кыргыттар икикиэн Хамаҕатта орто оскуолатыгар үөрэнэллэр. Кинилэри тренер Анжелика Владимировна Парникова эрчийэр Оттон Мадина ГазибековаҮөдэй орто оскуолатыгар VI кылааска үөрэнэр, 35 ыйааһыҥҥа тустар. Тренерэ Максим Степанович Спиридонов.
Кыргыттар тустуунан анаан-минээн, сыаллаан-соруктаан тусталлар эбит. Холобур, Эльвира Ефремова спорт бу көрүҥүнэн төрдүс сылын дьарыктанар.
– Мин дьиэ кэргэним бары мас тардыһыытынан дьарыктаналлар. Ол гынан баран биирдэ убайым тустууга илдьэ барбыта, «баҕарар буоллаххына, дьарыктан» диэбитэ. Тустууну сөбүлээн дьарыктаммытым төрдүс сыла буолла. Мин сүрүн сыалым – «Азия оҕолоро», – диэн кэпсиир Эльвира Ефремова.
Оттон Милена Гаврилова үһүс сылын дьарыктанар. Убайдара спорт бу көрүҥэр үгүс ситиһиилээхтэр.
– Мин эмиэ убайдарым курдук элбэх мэтээллэниэхпин баҕарбытым. Онон убайдарым холобурдарынан тустууга эрчиллэ кэлбитим. Эльвира курдук биир сүрүн соруктаахпын – «Азия оҕолоругар» ситиһиилээхтик кыттыахтаахтаахпын, – диир Милена Гаврилова.
Мадина Газибекова тустууга бэйэтин баҕатынан кэлбит. Бүгүҥҥү күн түмүгүнэн кини бастыҥ тустууну көрдөрөн, финалга киирэрдэ. Мадина тустарын көрө туран, кини кыайыыга дьулуурун, харса суоҕун сөҕө көрдүм. Мадина Газибекова «Азия оҕолоругар» сыаллаан дьарыктанар. Кыайыыттан кыайыыга тахсан иһэр хорсун санаалаах кыыс дии саныытым.
Иванна Николаева, «Кэскил» медиа-оскуола юнкора,
Хадаар, Чурапчы.
Ааптар хаартыскаҕа түһэриитэ