«Сосновый бор» лааҕыр «Привет, Артек!» симиэнэ иитиллээччилэриттэн ким ордук барыларыттан тугу сатыырын ыйытыластым.
Айсаара Шишигина, Өрөспүүбүлүкэтээҕи лиссиэй-интэринээт, 6 кылаас:
— Мин баайарбын сөбүлүүбүн уонна гимнастиканан дьарыктанабын.
Николина Николаева, Ньурба орто оскуолата, 7 кылаас:
— Кыра кыралаан барытын сатыыбын. Ол эрэн тугу чорботон, ордук сатыырбын быһаарына иликпин.
Дайаана Иванова, Саха гимназия, 7 кылаас:
— Спорт волейбол көрүҥүнэн дьарыктанабын. Улахан ситиһиим диэн оскуола иһинэн ыытыллыбыт волейбол күрэҕэр 2 миэстэ буолбуппут. Салгыы дьарыктанан өссө да элбэх ситиһиилэрдэниэхпин баҕарабын.
Айсаана Полускина, Телиги орто оскуолата, 7кылаас:
— Мин чабырҕахтыырбын, үҥкүүлүүрбүн уонна ыллыырбын ордук сатыыбын.
Ити курдук, «Привет, Артек!» симиэнэ иитиллээччилэрэ араас киһи кэрэхсиир дьарыктаахтарын билистибит. Онтон эн ордук тугу сатыыгын?
keskil14.ru