Быйыл биһиги дьиэ кэргэн – мин, ийэм уонна быраатым – буоламмыт Чурапчы нэһилиэгэр 21-с төгүлүн ыытыллар «Читает семья — Читает страна» диэн улуустааҕы ааҕар дьиэ кэргэн күрэҕигэр кыттыыны ыллыбыт.
Күрэх үс түһүмэҕинэн ыытылынна. 1 түһүмэх «Мы читаем и вам советуем» диэн. Онно хамаандабыт аатын, девиһын, бары сөбүлээн ааҕар кинигэбитин билиһиннэрдибит. 2 түһүмэх «Кулинарный репертуар». Бэйэбит астаабыт бүлүүдэбитин дьүүллүүр сүбэҕэ амсатан, бу ас хайдах астанарын кылгас видео устан көмүскээтибит. 3 түһүмэх – «Семью сплотить сумеет мудрость книг». Бү түһүмэх сорудаҕынан оҕолорго аналлаах айымньыттан биири талан спектакль көрдөрүү.
Уопсайа 10 дьиэ кэргэн кытынна. Биһиги «Доктор Айболит» кэпсээни талбыппыт, аспытыгар яблочный пирог астаан илдьибиппит.
Бу күрэххэ кыттан «Вечная семейная реликвия» диэн номинацияҕа тиксэн, ону таһынан кулинарнай түһүмэххэ бастаан, үөрүүбүт олус улахан.
Маннык күрэххэ биһиги дьиэ кэргэн бастакыбытын кыттан, элбэҕи биллибит-көрдүбүт. Мин санаабар, маннык тэрээһиннэр дьиэ кэргэни бөҕөргөтөргө наадалар. Бэйэ-бэйэни өҋдөһөргө уонна биир сомоҕо буоларга үөрэтэллэр.
Света ЗАРОВНЯЕВА, Х кылаас,
А.П. Илларионов аатынан Хайахсыт орто оскуолата, Чурапчы