Токиоҕа буола турар Паралимпийскай оонньууларга оҕунан ытааччы Степанида Артахинова напарнига Бурятияттан Баир Шигаевтыын боруонса мэтээли ыллылар.
Үһүс миэстэ иһин киирсиигэ кинилэр Иран хамаандатын 153:151 ахсаанынан кыайдылар. Кыһыл көмүс мэтээли Кытай спортсменнара, үрүҥ көмүһү — Турция хамаандата ылла.
2012 сыллаахха Лондоҥҥа буолбут Паралимпиадаҕа биирдиилээн киирсиигэ Степанида Артахинова үһүс миэстэ буолбута. Кини аан дойду биэс төгүллээх чөмпүйүөнэ, Европа чөмпүйэнээтин кыайыылааҕа. Степанида Артахинова сааһа 31-рэ.
Баир Шигаев 38 саастаах, аан дойду чөмпүйэнээтин үрүҥ көмүс призера, Европа Кубогын хас да төгүллээх кыайыылааҕа.