Спортивнай борьба тустуу көрүҥүгэр кыргыттар икки ардыларынааҕы 33-кэ уонна 60-ҥа диэри ыйааһыннаах категорияларга финал чиэппэрэ саҕаланна. Күрэхтэһиини «Добун» этнофольклорнай ансамбль арыйан регионнартан уонна атын дойдулартан кэлбит ыалдьыттар олус сэргээтилэр, дохсун ытыс тыаһынан күндүлээтилэр.
Бастакы күҥҥэ Казахстан, Кыргызтан, Узбекистан, КНДР, Азербайджан, Беларусь, Дальневосточнай, Уральскай, Сибирскай уокуруктар уонна Саха сирин икки хамаандата кииристилэр. Казахстан спортсменнара олус күүстээхтэрэ чаҕылхайдык көһүннэ.
60-ҥа диэри ыйааһыҥҥа биһиги спорсмеммыт Ушницкая Паша олус тыҥааһыннаах киирсиигэ кыайыылаҕынан таҕыста. Ол эрээри бэйэтин схваткатын 10 баллтан алтаҕа эрэ сыаналыыр. Кини бэлиэтииринэн, Саха сирин хамаандатын сүрүн күөн көрсөөччүтэ Казахстан хамаандата.
Дальневосточнай уокуруг греко-римскай борьбааҕа тренерэ Гарибов Илья Артурович маҥнайгы киирсиилэри олус тыҥааһыннаах, долгутуулаах диэн бэлиэтиир. Илья Артурович этэринэн, манна хас биирдии спортсмен бэйэтин туһугар эрэ буолбакка, дойдутун туһугар киирсэр, төрөөбүт сирин-буорун аатын ааттатаары кэлбит. Бары хамаандалар олус эппиэтинэстээхтик бэлэмнэммиттэрэ көстөрүнтоҕоһолоон этэр. Кини Саха сирин олус астыммыт, оттон оонньуулар тэрээһиннэрин таһымын олус үрдүктүк сыаналыыр, махтанар.
Күрэхтэһии от ыйын 3 күнүгэр диэри буолуоҕа. Оҕо пресс-киинин юнкордара күрэхтэһиини долгуйа кэтээн көрөбүт. Хамаандаларбытыгар кыайыыны баҕарабыт!
Карнелия Исагалиева, Юра Мохначевский, Дима Саввинов, оҕо пресс-киинэ