Спортивнай борьба тустуу көрүҥүгэр кыргыттар икки ардыларынааҕы 33-кэ уонна 60-ҥа диэри ыйааһыннаах категорияларга финал чиэппэрэ саҕаланна. Күрэхтэһиини «Добун» этнофольклорнай ансамбль арыйан регионнартан уонна атын дойдулартан кэлбит ыалдьыттар олус сэргээтилэр, дохсун ытыс тыаһынан күндүлээтилэр.
![](https://keskil14.ru/wp-content/uploads/2024/06/92109b24-2a4c-4f7a-8181-d1f00df77543-768x1024.jpeg)
Бастакы күҥҥэ Казахстан, Кыргызтан, Узбекистан, КНДР, Азербайджан, Беларусь, Дальневосточнай, Уральскай, Сибирскай уокуруктар уонна Саха сирин икки хамаандата кииристилэр. Казахстан спортсменнара олус күүстээхтэрэ чаҕылхайдык көһүннэ.
![](https://keskil14.ru/wp-content/uploads/2024/06/b2564932-f9a5-4ce3-8c27-62d480fe9034-576x1024.jpeg)
![](https://keskil14.ru/wp-content/uploads/2024/06/ce11e97a-579c-4a52-88da-bfd49922276e-576x1024.jpeg)
60-ҥа диэри ыйааһыҥҥа биһиги спорсмеммыт Ушницкая Паша олус тыҥааһыннаах киирсиигэ кыайыылаҕынан таҕыста. Ол эрээри бэйэтин схваткатын 10 баллтан алтаҕа эрэ сыаналыыр. Кини бэлиэтииринэн, Саха сирин хамаандатын сүрүн күөн көрсөөччүтэ Казахстан хамаандата.
![](https://keskil14.ru/wp-content/uploads/2024/06/f28d063f-6d0e-41dc-8f48-3e0cef875f0b-1-576x1024.jpeg)
![](https://keskil14.ru/wp-content/uploads/2024/06/83451587-9187-446b-8df1-559dbf3750ef-768x1024.jpeg)
Дальневосточнай уокуруг греко-римскай борьбааҕа тренерэ Гарибов Илья Артурович маҥнайгы киирсиилэри олус тыҥааһыннаах, долгутуулаах диэн бэлиэтиир. Илья Артурович этэринэн, манна хас биирдии спортсмен бэйэтин туһугар эрэ буолбакка, дойдутун туһугар киирсэр, төрөөбүт сирин-буорун аатын ааттатаары кэлбит. Бары хамаандалар олус эппиэтинэстээхтик бэлэмнэммиттэрэ көстөрүнтоҕоһолоон этэр. Кини Саха сирин олус астыммыт, оттон оонньуулар тэрээһиннэрин таһымын олус үрдүктүк сыаналыыр, махтанар.
![](https://keskil14.ru/wp-content/uploads/2024/06/pL_3V_F4G3M.jpg)
Күрэхтэһии от ыйын 3 күнүгэр диэри буолуоҕа. Оҕо пресс-киинин юнкордара күрэхтэһиини долгуйа кэтээн көрөбүт. Хамаандаларбытыгар кыайыыны баҕарабыт!
![](https://keskil14.ru/wp-content/uploads/2024/06/b924e179-6725-4f7b-92e9-387f862c8f55-576x1024.jpeg)
![Это изображение имеет пустой атрибут alt; его имя файла - b924e179-6725-4f7b-92e9-387f862c8f55-576x1024.jpeg](https://keskil14.ru/wp-content/uploads/2024/06/b924e179-6725-4f7b-92e9-387f862c8f55-576x1024.jpeg)
![](https://keskil14.ru/wp-content/uploads/2024/06/888e2ea0-7253-4746-8239-9ce2d97fd017-768x1024.jpeg)
Карнелия Исагалиева, Юра Мохначевский, Дима Саввинов, оҕо пресс-киинэ