Спорт. Волейбол. Доҕордуу сыһыан

Аан дойдуга волейболу айбыт киһинэн Уильям Морган буолар. Кини өссө 1895 сыллаахха 198 см үрдүккэ теннистиир сетканы тардыбыт. Үөрэнээччилэрэ ол сетка нөҥүө басткетбол мээчиги быраҕа оонньообуттар.

Ол кэмтэн ыла волейбол сайдан-сайдан билигин аан дойду дьоно бары таптаан оонньуур көрүҥнэрэ буолбут.

“Азия оҕолоро” норуоттар икки ардыларынааҕы VIII спортивнай оонньууларга волейбол күрэхтэһиитин киһи барыта күүппүтэ. Дьэ ол кэтэһиилээх күммүт бэс ыйын 29 күнүгэр буолла.

Бастакы матч Узбекистан уонна Киргизия хамаандаларын икки ардыларыгар буолла. Саха сирин түһүлгэтигэр  Узбекистан бастакы партияҕа кыайыылаах таҕыста. Киргизия хамаандатын капитана 11 №-дээх Аляса Махамматшарипов чаҕылхайдык оонньоото. Узбекистан хамаандатыгар Миркомил Физолов хамаандатын инники таһаарда. Онон уопсай түмүккэ Узбекистан Киргизияны 3:0 кыайда.

Иккис матч саҕаланыан иннинэ көрөөччүлэргэ волейболу төһө билэрбитин тургутан көрдүлэр. Волейбол туһунан ыйытыыларга эппиэттээтибит. “Азия оҕолоро” пресс-кииҥҥэ бииргэ үлэлии сылдьар юнкорбут, Чурапчы гимназиятын VIII кылааһын үөрэнээччитэ 40-тан тахса кыттааччыттан 10 иһигэр киирдэ. Вилена бэйэтэ волейболу оонньуур буолан, спорт бу көрүҥүн үчүгэйдик билэр.

Дьэ, иккис матч саҕаланна. Сибирскэй федеральный уокурук уонна  Палестина государствотын икки ардыларыгар олус кыраһыабай оонньуулары көрдүбүт.

Сибирскэй федеральнай уокурук хамаандата кулун тутар ыйга  Сибирскэй федеральный уокурук Первенствотыгар бастакы миэстэ буолан, “Азия оҕолоругар” кыттар путевканы туппут.

Платон Проскурин хамаандатыгар наадалаах подачалары биэрдэ. Сибирскэй федеральный уокурук Россияҕа күүстээх оонньооччулар ахсаннаарыгар сылдьар. Бу да сырыыга иннилэрин утарсааччыларыгар биэрбэтилэр. Элбэх очконан кыайдылар.

Палестина спортсменнара, ыалдьааччылара көрөөччүлэргэ барыларыгар, кинилэр тустарыгар ыалдьыбыттарыгар махтанан өйдөбүнньүк значоктары туттардылар.

Ити курдук тас дойдуттан кэлбит спортсменнар спорт доҕордуу сыһыан буоларын көрдөрдүлэр.

Волейболистар чахчы бары уһуннар эбит. Холобура, Киргизия хамаандатыгар 190 см. уһуннаах икки спорстмен баар. Узбкистан хамаандатыгар уолаттар 198, 196, 195, 192 см. уһуннаахтар. Белоруссияларга 200 см. уһуннаах уол кытта баар эбит.

От ыйын 3 күнүгэр диэри хамаандалар барыллаан оонньооһуннарын бэрээдэгэ:

Бэс ыйын 30 күнэ

 9.00 — Палестина государствота — Киргизия

11.30 – Узбекистан – Сибирскэй Федеральнай уокурук

14.00 – Белоруссия — Казахстан

16.30 – Уральскай Федеральнай уокурук — Саха өрөспүүбүлүкэтэ

От ыйын 1 күнэ

9.00 – Киргизия – Сибирскэй Федеральнай уокурук

11.30 – Палестина государствота – Узбекистан

14.00 – Казахстан – Уральскай Федеральнай уокурук

16.30 – Белоруссия — Дальневосточнай Федеральнай уокурук

От ыйын 2 күнэ

14.00 — Уральскай Федеральнай уокурук — Дальневосточнай Федеральнай уокурук

16.30 – Саха өрөспүүбүлүкэтэ – Казахстан

От ыйын 3 күнэ

14.00 — Белоруссия — Уральскай Федеральнай уокурук

16.30 — Дальневосточнай Федеральнай уокурук – Саха өрөспүүбүлүкэтэ

Буолар сирэ: “Стерх” спортивнай комплекс (Можайскай уул. 13)

Алёна КСЕНОФОНТОВА, VII кылаас, Хадаар, Чурапчы,

“Азия оҕолоро” пресс-киин юнкора

Вилена Стручкова, Алена Таппырова, Алена Ксенофонтова хаартыскалара