Н.Е. Мординов-Амма Аччыгыйа аатынан «Кэскил» оҕо бэчээтин кыһата «Азия оҕолорун» көрсө сувенир-оонньуурдары бэс ыйын 24 күнүгэр диэри күүтэр! Оскуола иннинээҕи, оскуола оҕолоро, дьиэ кэргэн кыттыыны ылыахтарын сөп.
Куонкурус сорудаҕа: Спорт, доҕордоһуу, кыайыы тиэмэтигэр аналлаах сувенир-оонньуурдары оҥорон биһиэхэ ыытаҕыт. Оҥоһук тупсаҕайа, тас көстүүтэ, ис хоһооно, оҥоруутун уустуга учуоттаныаҕа.
Хас биирдии кыттааччы «Чуораанчык», «Колокольчик», «Бэлэм буол», «Юность Севера» сурунаалларга, «Кэскил» хаһыакка (мантан бэйэтэ талар) 2024 сыл иккис аҥаарыгар сурутуулаах буолуохтаах.
Бастыҥ сувенир-онньуурдары «Азия оҕолоро» VIII Аан дойдутааҕы спортивнай оонньуулар кыттыылаахтарыгар бэлэх быһыытынан туттарыахпыт! Титэйиҥ, Орджоникидзе 31, 205 каб. аадырыска оонньуурдаргытын күүтэбит!