Аҕа диэн кимий? Биллэрин курдук, дьиэ кэргэн туллар тутааҕа, бас-көс инникигэ сылдьар киһи. Булар-талар, кыһалҕаны быһаарар, өйөбүл-тирэх буолар киһинэн ааҕабыт.
Аҕа Дойдуну Көмүскээччилэр күннэрин көрсө «Снежный барс» аҕалар уонна уолаттар икки ардыларыгар күрэс буолан ааста. Санатан эттэххэ, биһиги оскуолаҕа быйылгаттан аҕалар түмсүүлэрэ тэриллэн үлэлээн эрэр. Аҕа оскуола олоҕор кыттыыта ахсааннаах буолааччы. Тыа сирин олоҕор мас-муус кыһалҕатыгар сылдьар киһи бириэмэ да булара аҕыйах буолуо. Ол да буоллар бу күн оскуола барыга көхтөөх төрөппүттэрэ кэлэн уолаттарын кытта күрэхтэһэн бардылар. Олор истэригэр аҕам кэлэн кыттыыны ылбытыттан үөрдүм.
Уопсайа 3 хамаанда туруоран оонньоотубут. Строевой хаамыыга, автомат АК-74 ыһыытыгар уонна хомуйуутугар, воздушканан сыал ытыытыгар, канат тардыһыытыгар күрэхтэстибит.
Маннык тэрээһиҥҥэ төрөппүттэрбит кэлэн күннээҕи түбүктэн кыратык эмэ аралдьыйан, сынньанан, күлэн-үөрэн барбыттара буолуо диэн эрэнэбит.
Максим Наумов, Курбуһах орто оскуолатын
8-с кылааһын үөрэнээччитэ.