Эбии үөрэхтээһин тэрилтэлэригэр аналлаах «Skills Camp» диэн саҥа бырагыраамаҕа сайаапка хомуйуута саҕаланна. Бу бырайыак сүрүн сыала — эбии үөрэхтээһин салаатыгар аныгы үөрэх ньымаларын киллэрии, оҕолорго аныгы толкуйу, предприниматель сатабылын иҥэрии буолар. Бырагыраамаҕа үөрэх улэһиттэрэ, педагогтар, эбии үөрэхтээһин методистара, экспертара кыттыахтарын сөп.
Ыам ыйын 25 күнүттэн бэс ыйын 3 күнүгэр диэри Саха Республикатын сайдыытын корпорацията, Үүнэр көлүөнэ тус сыаллаах пуондата, Үөрэх уонна наука министиэристибэтэ уонна «Юные якутяне» республикатааҕы ресурснай киин «Skills Camp» диэн Үүнэр көлүөнэ пааркатын үөрэтэр киинин пилотнай бырагырааматыгар сайааапка хомуйан саҕалаатылар. Бу бырагыраама федеральнай экспертар кыттыылаах икки хайысханнан ыытыллар.
Бэс ыйын 10 күнүттэн атырдьах ыйын 9 күнүгэр диэри кыттааччылар акселерация ааһан, саҥа бырагыраамалары арыйыахтара эбэтэр баар бырагыраамалары кытары үлэлииргэ үөрэниэхтэрэ. Бастыҥ улэлэр иккис түһүмэххэ тахсан, атырдьах ыйыттан саҕалаан алтынньы ыйга диэри миэстэтигэр буолар тэрээһиҥҥэ көрүллүөхтэрэ. «Skills Camp» бырайыак түмүгүнэн 10-тан аҕыйаҕа суох оҕоҕо саҥа сатабыллары иҥэрэр, үөрэтэр бырагыраамалар үлэлээн саҕалыахтара, 500 кэриҥэ оҕо-аймах аныгы ньымаларга үөрэниэхтэрэ. Бастыҥ үөрэтэр бырайыактар үүнэр көлүөнэ пааркатын үөрэтэр киинин партнердуу ситимигэр киириэхтэрэ.
Сиһилии http://skills-camps.com/
Сайаапка биэрии: https://bit.ly/2AScoyg. Билсэр нүөмэргит: Анна Матаннанова, 89142901357, ak.matannanova@krrsy.ru