Үөһээ Бүлүүтээҕи Д.Д.Спиридонов аатынан улуус гимназиятын 8-с кылааҺын үөрэнээччилэрэ ситиминэн үлэҕэ Дүллүкү орто оскуолатыгар «Десантник» парашютнай кулуупка 3 күннээх бэлэмнэниигэ сырыттылар.
Парашютнай кулууп салайааччыта Владимир Николаевич уонна инструктор Иннокентий Вячеславович оҕолору парашютнай спорка, парашют систиэмтин, материальнай чааһын, сааһылыыры үөрэттилэр. Зачет тутан горкаттан ыстаннардылар.
Владимир Николаевич Николаев, кулууп салайааччыта:
-Бүгүн оҕолор парашют укладкалыырга үөрэннилэр. Бастакытын буолан, ыарырҕаттылар. Күнү быһа эрчиллиэхтэрэ. Наземнай бэлэмнэниини ааҕа сылдьаллар. Киэһэ туттарыахтара. Кыһалла сатыыллар.
Иннокентий Вячеславович Иванов, инструктор:
— Оҕолор 3 күн толору дьарыкка сылдьыахтара. Бастаан материальнай чааһы үөрэтэллэр: укладка, наземнай подготовка уонна үһүс күн горкаттан ыстаныахтара. Оҕолор үчүгэйдик дьарыктаналлар, барытын ылыналлар. Түмүккэ зачет туттарыахтара.
Егор Борисович Борисов, улуустааҕы гимназияҕа эбии үөрэхтээһин педагога:
-Биһиги оскуолабыт уонна Дүллүкү орто оскуолата ситиминэн үлэлиибит. Ол чэрчитинэн, оҕолорбутун парашютнай кулуупка 3 күннээх үөрэххэ аҕаллыбыт. 8 оҕо кэллэ: 2 кыыс, 6 уол. Оҕолор үөрэнэн, билэн баран, ыстаналларын-суоҕун быһаарыныахтара.Владимир Николаевичка уонна Дүллүкү оскуолатын дириэктэригэр Тихон Александровичка оҕолорбут дьарыктаналларыгар усулуобуйа тэрийбиттэригэр махтанабыт!
Харысхан Прокопьев:
-Дүллүкүгэ бастакыбын кэллим. Кулуупка парашюту хомуйарга үөрэнним.
Мичил Ильин:
-Парашюту саҥа көрдүм, укладкалыырга үөрэнним.
Үһүс күн оҕолор оскуола тиэргэнигэр баар анал горкаттан ыстаннылар. Инникитин сорохтор салгыы дьарыктанар баҕалаах, сорох оҕолор толкуйданыах буолан дьиэлэригэр айаннаатылар. Ситиминэн үлэ көдьүүстээх буоларыгар баҕарабыт.
Катя Обоева, 9 кылаас, Алена Донская, 6 кылаас, Александра Иванова, 9 кылаас, «Эрчим» медиакиин, Дүллүкү орто оскуолата, Үөһээ Бүлүү