Сима Сергеев аатын умнубаппыт

Сэтинньи 3 күнүгэр Кыра Уорҕаҕа Герой пионер Сима Сергеев күн сири көбүтэ. Бу күн мин эһиэхэ Сима Сергеев аатын үйэтитэргэ оскуолабытыгар туох үлэ ыытылларын туһунан кэпсиэхпин баҕарабын.

Биэс бойобуой уордьаннаах Семен Дмитриевич Флегонтов аатынан Хадаар орто оскуолатын V-VIII кылаастара Сима Сергеев аатын сүгэллэр. Пионерия диэн Чурапчы улууһугар Хадаар орто оскуолатыгар эрэ баар.

Хас сыл аайы биһиги оскуолабытыгар Пионерия күнүн киэҥник бэлиэтиибит. Онно атын оскуола оҕолоро кэлэннэр кыттыыны ылаллар. Сима Сергеевка анаан үрдүкү кылаас үөрэнээччилэригэр алааска костер буолар. Оҕолор пионер оонньуларын оонньоон, сынньанан күрэхтэһэн бараллар.

Оскуолабыт лидер үөрэнээччилэрэ Сима Сергеев аатынан лауреат аатын сүгэллэр. Сима Сергеев кылгас олоҕун историятын туһунан музейбытыгар экспонаттар бааллар. Оҕолор ону сэҥээрэ көрөллөр.

Сыл аайы IV кылаас үөрэнээччилэрин пионерияҕа ылабыт. Оҕолор пионер аатын чиэстээхтик сүгүөхпүт диэн андаҕар этэллэр. 

VIII пионерияҕа саҥа киирэр оҕолорго харда тылларын этэн тураннар кыһыл хаалтыс баайаллар, пионер кэккэтигэр ылаллар. VIII кылаастар пионердар буолан бүтэллэр. Мин быйыл VIII кылааска пионердарга бас-көс киһинэн буолабын. Хас нэдиэлэ аайы пионердар Сима Сергеев, кини хорсун быһыытын туһунан бары хорунан ыллыыбыт.

Уорҕа дэриэбинэтигэр сыыр үрдүгэр Сима Сергеевка анаммыт бетонунан оҥоһуллубут пааматынньык баар. Активистар пааматынньыгы ыраастык тутабыт. Хомуйа сылдьабыт.

Сима Сергеев төрөөбүтэ 100 сылыгар Яна Васильевна Климова уонна Елена Семеновна Харитонова “Сима” диэн спектакль туруорбуттара. Оҕолор көхтөөх кыттыыны ылбыттара.

Сима Сергеев хорсун быһыытынан, кини 1942 сыллаахха олохтон туораабытын куруук өйдүү-саныы сылдьыахпыт.

Алена КСЕНОФОНТОВА, VIII кылаас,

С.Д. Флегонтов аатынан Хадаар орто оскуолата, Чурапчы