«Силис» саха тылын үөрэтэр оскуола иһинэн ыытыллар сайыҥҥы лааҕыр үлэтин саҕалаата! Лааҕыр сыала-соруга диэн оҕону төрөөбүт тылынан саҥарарын ситиһии, саха тылыгар тапталы үөскэтии, омукпут үгэстэрин, култууратын кытта билиһиннэрии буолар.
Оскуола туһунан. Аныгылыы билии иҥэрэр Киин маннык хайысхаларынан үлэлиир: онлайн уруоктар, оҕо лааҕырдара, кэпсэтэр босхо кулууптар, “Махтал” рестораҥҥа тыыннаах көрсүһүүлэр, төрөппүттэргэ уонна учууталларга аналлаах вебинардар, семинардар.
Суолтата. Киин үрдүк хаачыстыбалаах үөрэхтээһини иҥэрэр, хас биирдии оҕоҕо туспа сыһыан олохтуур, аныгылыы мэтиэдьикэлээх уонна тэхинилиэгийэлээх уруоктары ыытар, оҕо оҕоҕо көмөлөһөр, атас буолар эйгэтин үөскэтэр.
Көҕүлээччилэр. Салайааччы – урбаанньыт, 10 сыл үөрэх стажтаах, аангылыйа тылын учуутала Дилара Николаева. Учууталлар – саха тылын, литературатын учуутала, 17 сыл үөрэх стажтаах, редактор, К.Д. Уткин үөрэнээччитэ Марина Спиридонова уонна саха тылын, литературатын учуутала, методист Ольга Попова.
Тоҕо «Силис»?. Оскуола иһинэн үлэлиир «Силис» сайыҥҥы тыл лааҕыра тылы, үгэстэри үөрэтэр, оонньуулардаах, айар дьоҕуру сайыннарар биир холбоһуктаах үөрэтии буолар. Куорат иһигэр икки сменанан үлэлиир (9:00-13:00 уонна 14:00-18:00), нуучча тыллаах оҕолорго аа-дьуо үөрэтэр форматтаах.
Үлэлиир кэмэ. Быйыл лааҕыр 6 сезонунан арахсан, биир сезон икки нэдиэлэ усталаах, иккилии сменанан үлэлиэҕэ.
Лааҕыр бырагырааммата:
- Тылы үөрэтии. Оонньуу уруоктар, сахалыы ырыалар, ойуулуктар көмөлөрүнэн саҥара үөрэнии, тылы сайыннарарга чабырҕахтары уонна таабырыннары үөрэтии.
- Култуура уонна үгэс. Фольклору кытта билиһиннэрии, саха төрүт бырааһынньыктарын уонна сиэрин-туомун кытта алтыһыы, саха төрүт аһын иҥэринии.
- Айар дьоҕур уонна маастар кылаастар. Сахалыы ырыалары үөрэтии, илиинэн оҥоһуктары оҥоруу, хомуска оонньуурга үөрэнии.
- Көхтөөх дьарыктар. Хабылык, хаамыска сатабылларыгар үөрэнии, мас тардыһыы уонна сүүрүү көрүҥнэригэр холонуу, оһуохай этии.
- Ону таһынан араас экскурсиялар, маастардары кытта көрсүһүү, остуоруйаларынан квест оонньуулар, түмүктүүр кэнсиэр буолаллар.
Оҕо саха тылын иҥэринэ, таптыы үөрэнэригэр, бэйэтин омугун култууратын билэ улаатарыгар, дьону кытта алтыһарыгар, оонньуу уонна айар дьоҕур нөҥүө тылга тапталы үөскэтэр «Силис» тыл оскуолата ааннарын арыйда!
Билсэр нүөмэргит – 89640767660.
keskil14.ru