Ис сүрэхтэн иэйиллэн этиллэр Ийэ диэн тыл хайдах курдук кэрэтик иһиллэрий! Саамай истиҥ, чугас киһибитигэр анаан, үс алтыстар кэнсиэр тэрийэн ыыттыбыт.
Үҥкүүлэрбитин хореографтар Наталья Валентиновна, Саргылана Филипповна көмөлөрүнэн турорбуппут. Ырыаларбытын музыка учуутала Диана Алексеевна бэлэмнээбитэ. Сценарийы биһиги оҕолор кылаас салайааччыларбытын кытта толкуйдаабыппыт. Наина Васильева, Мирослав Феоктистов кэнсиэри иилээн-саҕалаан ыыппыттара.
Хас биирдии кылаас ырыата-тойуга, үҥкүүтэ-хоhооно ийэлэрбитин бука диэн долгуттулар, үөртүлэр. Уонна ийэлэрбитигэр араас сэргэх оонньуулары толкуйдаан ыыппыппыт. «Саамай уһун баттахтаах ийэ» диэн анал ааты Саргылана Филипповна Павлова кыайбыта. Кэнсиэр бүтүүтэ бары хаартыскаҕа түспүппүт.
Маны таһынан, оскуолабытыгар Ийэ күнүн бэлиэтиир нэдиэлэбитигэр «Ийэм илиитин сылааһа» ийэлэрбит оҥоһуктарын быыстапката тэрилиннэ.
Убаастабыллаах ийэлэрбитин өссө төгүл эҕэрдэлиибит! Баҕарабыт эһиэхэ туох баар кэрэни, саха алмааһыныы кытаанах доруобуйаны, сырдык, ыраас халлааны, үлэҕитигэр үрдүктэн үрдүк ситиһиилэри, дьолу-саргыны! Куруук үөрэ-көтө, мичилийэ сылдьыҥ!
Алгыстаана ПЕТРОВА,
VI кылаас, Павловскай оскуолата.