Хомус аан дойдутааҕы киинин түмэлигэр саха норуодунай бэйиэтэ Сэмэн Данилов поэзиятыгар хомуһу холбооһун өрөспүүбүлүкэтээҕи күрэҕэ ыытылынна.
Тэрийээччилэр: Хомус аан дойдутааҕы киинин түмэлэ, Сэмэн уонна Соппуруон аатынан Духуобунас киинэ.
Сэмэн Данилов аатынан Бэрдьигэстээх оскуолата ситиһиилээхтик кыттан кыайыылааҕынан ааттанна. Киэн туттар биир дойдулаахтара, саха норуодунай бэйиэтэ Сэмэн Данилов 105 сааһыгар дьоһун бэлэх буолла!
Дуэт күрэҕэр Аурика Попова 6-б кылаас үөрэнээччитэ Сэмэн Данилов «Төрөөбүт тыл» хоһоонун аахта, Сандаара Петрова 5-а кылаас үөрэнээччитэ хомуска доҕуһуоллаата. II степеннээх лауреат аатын ылан дипломунан наҕараадаланнылар.
Салайааччылар: Л.М. Дмитриева, Т.И. Сивцева.
Сэмэн Данилов «Дьоллоох буолуҥ бар дьонум» хоһоону дорҕоонноохтук ааҕан, «Ситим» бөлөх — Слава Иванов, 10 кыл., Анатолина Иванова, 8-а кыл., Герман Бережнов 6-б кыл., Лилиана Никифорова 5-а кыл., Сандаара Петрова, 5-а кыл. Гран-при үрдүк аатын ыллылар.
Күндү оҕолор төрөппүттэригэр, оскуола дириэктэригэр Маргарита Константиноваҕа, директоры үөрэх чааһыгар солбуйааччы Мотрена Шамаеваҕа, саха тылын уонна литературатын учууталларыгар Саргылана Тимофееваҕа, Татьяна Сивцеваҕа, эбии үөрэхтээһин педагогар Любовь Дмитриеваҕа күрэххэ барыыга бары түмсэн бэлэмнэһэн, көмөлөөн, тэрийсибиттэригэр махтаналлар. Барыбыт кыайыыбыт, ситиһиибит!
Салгыы оҕолор ахсынньы ый 16 күнүгэр ыытыллар өрөспүүбүлүкэтээҕи тэрээһиҥҥэ ыҥырылыннылар.
Эҕэрдэлиибит!
«Кэскил» медиа-оскуола.