А. Е. Слепцов аатынан Абый орто оскуолата «Сдай батарейку-2022» республикатааҕы экологическай акцияҕа сылын ахсын кыттар. Хас биирдии кылаас туһатыттан тахсыбыт батареялары аҕалан туттарар. Ким элбэх киилэни аҕалбыт — кыайыылаах буолар. Үөрэнээччилэр быйыл уопсайа 8 киилэ 800 батареяны туттардылар.
Акцияны «Точка Роста» цифровой-гуманитарнай киин (сал. Томская И.П.) салайан ыытта. Оҕолорго батарея айылҕаҕа, ууга буортутун кэпсээтилэр. Акция түмүгүнэн I миэстэни 2-с кылаас (сал. Слепцова А.С), II м. — 9-с кыл. (сал.Бальчинова М.К.), III м. — 1-кы кылаас (сал. Стручкова М.В.) ыллылар, дипломнарынан наҕараадаланнылар.
Хомуллубут батареялары улуустааҕы айылҕа харыстабылын тэрилтэтигэр туттарабыт. Сыл ахсын туттарар батареябыт элбээн иһэр. Маннык акциялар ыытыллар буоланнар, төрөөбүт айылҕабытыгар харыстабыллаахтык сыһыаннаһарбыт сылтан сыл ахсын күүһүрэн иһэр.
Вероника Дохунаева, Абый орто оскуолатын 8-с кыл. үөрэнээччитэ, «Точка Роста» цифровой-гуманитарнай киин корреспондена.