Бүгүн, ахсынньы 23 күнүгэр, биһиги оскуолабытыгар «Кыыс Куо» бырайыак чэрчитинэн сылын аайы ыытыллар төрөппүт «Сатабыл оскуолата» тэрээһин буолан ааста. Онно 1-11 кылаас төрөппүттэрэ актыыбынай кыттыыны ыллылар.
Хас биирдии кылаас төрөппүтэ араас интэриэһинэй маастар-кылаастары ыыттылар. Ол курдук, оҕуруонан кэлэр сыл хаһаайынын, торт киэргэлин, саҥа дьыллааҕы елка оонньуурдарын уонна да атын маастар кылаастара буоллулар. Уопсайа маастар-кылааска 350 үөрэнээччи кыттыыны ылла.
Махтанабыт хас биирдии төрөппүккэ актыыбынай кыттыыгыт, саҥа дьыллааҕы настарыанньы бэлэхтээбиккит иһин. Эһигини барыгытын кэлэн иһэр саргылаах Саҥа Дьылынан итиитик-истиҥник эҕэрдэлиибит!
«ОхлопковNews», Ф.Г. Охлопков аатынан Майа орто оскуолата.