Ахсынньы 6-12 күннэригэр биһиги оскуолабыт дуобатчыттара Мичил Петров, Марк Захаров уонна Алеша Платонов Амма улууһун хамаандатыгар киирэн, тоҕус буолан Санкт-Петербург куоракка нуучча дуобатыгар ситиһиилээхтик кыттан кэллилэр.
Мичил биһиэхэ маннык кэпсээтэ:
— Күрэхтэһиигэ Санкт-Петербургтан, Челябинскайтан, Аллараа Новгородтан, Москваттан, Карелияттан, Белоруссияттан элбэх күрэхтэһээччи кэлбитэ. Амматтан Афоня Ларионов классическай бырагыраамаҕа 3 миэстэ буолбута. Онтон атын оҕолор кыл-мүччү миэстэҕэ киирбэтибит. Ол да буоллар Арассыыйа биир саамай кэрэ куораты көрөн, күүстээх оонньооччулары кытта холоһон, сайдан, үөрэн кэллибит.
“Кэскил” медиа-киин Эмис орто оскуолата,
Амма улууһа.