Бөтүҥ орто оскуолатын иккис кылааһын үөрэнээччитэ Варя Явловская Санкт Петербург куоракка «Легион» спортивнай кулууп көҥүл тустууга биирдиилээн бастыыр иһин аһаҕас күрэхтэһиитигэр боруонса мэтээли ылары ситистэ. Бу туһунан Нам улууһун дьаһалтатын пресс-сулууспата иһитиннэрэр.
Варя көҥүл тустуунан дьарыктаммыта иккис сыла, кинини физкультура учуутала Владислав Бандеров эрчийэр.
Кини 0:8 ахсааҥҥа хотторон иһэн, туше оҥорон утарылаһааччытын кыайда. Онон боруонса мэтээли ылары ситистэ.
Кырачаан тустуук кыысчааны эҕэрдэлиибит! Инникитин даҕаны өссө үрдүк дабайыылары баҕарабыт!