Ыам ыйын 13 күнүгэр Партизан оскуолатыгар «Сандаара» үҥкүү коллективын 25 сыллаах юбилейын бэлиэтээтибит.
1996 с. бастакы салайааччынан хореограф Сыромятникова Л. Е. үлэлээбитэ. Тэриллиэҕиттэн коллектив республиканскай «Хотугу сулус» конкурска ситиһиилээхтик кыттыбыта. Кэлин салайааччынан «Мичээр» народнай ансаамбылын салайааччыта Окоемов А. Н икки коллективы салайан кэлбитэ.
«Сандаара» үҥкүү коллектива республикаҕа ыытыллар тэрээһиннэргэ, конкурстарга ситиһиилээхтик кыттан кэлбитэ. Ансаамбылга кыттар оҕолор аан дойдутааҕы фестивалларга кыттан Болгарияҕа, Германияҕа, Турцияҕа, Кытайга, Индонезияҕа саха норуотун культуратын билиһиннэрбиттэрэ.
Билигин ансаамбыл салайааччытынан Окоемов А. Н. үөрэнээччитэ А. Н. үлэлии сылдьар. Бу күн «Сандаара» юбилейыгар анааммын «Сырдыганан сыдьаайар» Сандаара» кинигэ сүрэхтэниитэ буолла. Араас сылларга «Сандаара» коллектив выпускниктара ырыа, үҥкүү бэлэх ууннулар.
Бу тэрээһини тэрийэн ыытарга көмөлөспүт Нам улууһун культураҕа управлениетын специалиһыгар, ансамбль выпускницатыгар Бурцева Е. Н., З. П. Зырянов аатынан Намнааҕы оҕо искусствотын оскуолатын директорыгар Афанасьев А. С. махталбытын тириэрдэбит. «Сандаара» ансаамбльга баҕарабыт үүнэ-сайда турарыгар, үрдүктэн-үрдүк ситиһиилэри.
Матырыйаалы суруйда 9 кылаас үөрэнээччитэ Андросова Влада,
Партизан орто оскуолата, Нам.