Бэрдьигэстээх нэһилиэгин оҕо модельнай библиотеката айар куттаах дьоҥҥо көрсүһүү тэрийдэ. «Сыккыс», «Дьүрүскэн» олохтоох ааптардар түмсүүлэрин чилиэннэрэ хоһоон суруйар айар талааннах оҕолорго сүбэ-ама биэрдилэр.
С.П. Данилов аатынан Бэрдьигэстээх орто оскуолатын үөрэнээччилэрэ Cайаана Сидорова — 5-б, Тускул Күн Дьөһөгөй — 5-б, Витя Дьячковский — 3-б «Үрүйэчээн» түмсүүгэ киирдилэр.
Хорсун саллааттарбатыгар сурук суруйан, тута хоһоон айа охсон, үс муннуктаах суруктарын Бэрдьигэстээх нэһилиэгин баһылыгын солбуйааччытыгар Ксения Васильеваҕа туттардылар. Суруктары тигиллибит таҥастарга уган, биир дойдулаахтарбытыгар ыытан күүстэригэр күүс эбиэхтэрэ, алгыс тыллар араҥаччылыахтара.
«Кэскил» медиаоскуола.