Бу ыйга IV кылаас үөрэнээччилэрэ Россия үрдүнэн ыытылла турар «Письмо солдату» диэн аахсыйаҕа кыттан, нэһилиэкпит саллаат уолаттарыгар сурук суруйдулар. Кылаас чааһыгар оҕолор кэмбиэрдэрин оҥорон, убайдарыгар Романов Любомир Анатольевичка, биир дойдулаахтарыгар Тимофеев Айсен Павловичка сонуннарын уонна баҕа санааларын анаатылар.
Саллааттар ийэлэригэр суруктарын туттардылар. Любомир ийэтэ Саргылана Петровна уола «Варяг» диэн хараабылга моряктыы сылдьарын, Египет, Америка, Франция уо.д.а. дойдулар аттыларыгар уста сылдьыбытын, Айсен ийэтэ Саргылана Гаврильевна уола билигин Владивостокка учебкаҕа сылдьарын, кэпсээтилэр. Суруктары уолаттарыгар ыытыах буоллулар.
Маннык суруктар олус наадалаахтар, кинилэр уолаттарга күүс-уох эбиэхтэрэ, санааларын күүһүрдүөхтэрэ дии саныыллар төрдүс кылаас үөрэнээччилэрэ.
Романова Розалина V кылаас, «Проба пера» эдкора.
Чыамайыкы, Мэҥэ Хаҥалас